សង្គ្រាមអ៊ុយក្រែន ៖ ប្រធានាធិបតីអាមេរិក លោកដូណាល់ត្រាំ កាលពិថ្ងៃទី១៨ ធ្នូ ជម្រុញឲ្យអ៊ុយក្រែនមានប្រតិកម្មដោយឆាប់រហ័ស ក្នុងការចរចាស្ដីពីផែនការមួយ ដែលសំដៅបញ្ចប់ជម្លោះជាមួយរុស្ស៊ី ។…
សង្គ្រាមអ៊ុយក្រែន ៖ ប្រធានាធិបតីអាមេរិក លោកដូណាល់ត្រាំ កាលពិថ្ងៃទី១៨ ធ្នូ ជម្រុញឲ្យអ៊ុយក្រែនមានប្រតិកម្មដោយឆាប់រហ័ស ក្នុងការចរចាស្ដីពីផែនការមួយ ដែលសំដៅបញ្ចប់ជម្លោះជាមួយរុស្ស៊ី ។
ថ្លែងទៅកាន់សារព័ត៌មាននៅការិយាល័យពងក្រពើនៃសេតវិមាន លោកត្រាំលើកឡើងថា បណ្ដាអ្នកចរចាត្រៀមឈានទៅដល់រឿងខ្លះតែខ្ញុំសង្ឃឹមថា អ៊ុយក្រែននឹងមានប្រតិកម្មដោយឆាប់រហ័ស។ រៀងរាល់លើកពួកអ្នកចរចានៅអូសបន្លាយពេលខណៈរុស្សុីផ្លាស់ប្ដូរជំហរខ្លួន។ ការជួបគ្នារវាងបេសកជនពិសេសរុស្ស៊ី និងអាមេរិក ស្ដីពីសង្គ្រាមអ៊ុយក្រែនកើតមាននាចុងសប្ដាហ៍នេះនៅក្រុងម៉ៃអាមីរដ្ឋផ្លរីដា ។
ប្រធានាធិបតីអាមេរិកមិនផ្ដល់ភាពលម្អិតណាមួយឡើយលើសមាសភាពគណៈប្រតិភូ ប៉ុន្តែតាមកាសែតអាមេរិកPOLITICOថា សហរដ្ឋអាមេរិកតំណាងដោយ បេសកជនពិសេសសម្រាប់អ៊ុយក្រែន លោកSTEVE WITKOFF និងកូនប្រសាលោកត្រាំគឹលោកJARED KUSHNER ចំណែកភាគីរុស្សុីវិញតំណាងដោយលោកគីរីលឌីមីទ្រីអេវបេសកជនវិមានក្រឹមឡាំងទទួលបន្ទុកបញ្ហាសេដ្ឋកិច្ច។
ការចរចាថ្មីនោះកើតមាននឹងធ្វើឡើង បន្ទាប់ពីប្រធានាធិបតីអ៊ុយក្រែន លោកវ៉ូឡូឌីមៀរហ្សេឡេនស្គី កត់សម្គាល់ឃើញការរីកចម្រើនឆ្ពោះទៅរកការសម្របសម្រួលមួយរវាងក្រុងគៀវនិងក្រុងវ៉ាស៊ីនតោន លើខ្លឺមសារនៃផែនការមួយស្នើដល់ក្រុងមូស្គូ ដើម្បីបញ្ចប់ការប្រយុទ្ធគ្នាក្រោយការជួបគ្នានៅក្រងប៊ែរឡាំង រវាងបណ្ដាអ្នកទទួលខុសត្រូវអាមេរិក អ៊ុយក្រែននិងអឺរ៉ុប ។ ទោះបីយ៉ាងណាប្រធាចនាធិបតីអ៊ុយក្រែនព្រមានថា រុស្ស៊ីរៀបចំឆ្នាំថ្មីនៃសង្គ្រាមក្នុងឆ្នាំ២០២៦។
ចំណែកប្រធានាធិបតីរុស្ស៊ី លោកវ្ល៉ាឌីមៀរពូទីនវិញ អះអាងនាថ្ងៃទី១៧ធ្នូថា បណ្ដាទិសដៅនៃការវាយលុករបស់លោកលើអ៊ុយក្រែនពិតណាស់នឹងសម្រេចបាន។ ភាពលម្អិតនៃផែនការអាមេរិក បន្ទាប់ពីមានការកែប្រែខ្លះនៅក្រុងប៊ែរឡាំងជាមួយអ៊ុយក្រែន នៅមិនទាន់ដឹងនៅឡើយ តែក្រុងគៀវឲ្យដឹងថា មានចែងពីការធ្វើសម្ប្ទានដែនដីរបស់អ៊ុយក្រែន។
រីឯសហរដ្ឋអាមេរិកវិញអះអាងថា សំណើចុងក្រោយមានចែងពីការធានាសន្តិសុខដ៏ខ្លាំងមួយចំពោះអ៊ុយក្រែន និងអាចទទួលយកបានដោយក្រុងមូស្គូ ប៉ុន្តែភាពលម្អិតបែបណាគេនៅមិនទាន់ដឹងនៅឡើយ។
ក្នុងឱកាសនៃកិច្ចប្រជុំកំពូលរបស់គណៈកម្មាធិការអឹរ៉ុបនៅក្រុងព្រុចសែល ប្រធានាធិបតីអ៊ុយក្រែនថ្លែងក្នុងបទសម្ភាសន៍មួយថា រុស្ស៊ីប៉ុនប៉ងផាត់សហភាពអឺរ៉ុបចេញ មិនត្រឹមក្នុងការចរចាខាងការទូតប៉ុណ្ណោះទេ តែក្នុងរាល់ការធានានាពេលអនាគតដល់សន្តិសុខអ៊ុយក្រែនទៀតផង។ លោកបន្តថាទោះបីមានសញ្ញានានាបញ្ជូនមកដោយរុស្ស៊ីក្ដី យើងយល់ថា រុស្ស៊ីចង់់ផាត់ចេញវត្តមានពួកអឹរ៉ុប ។ លោកថា វាពិតជាមិនអាចទៅរួចទេ។ ពួកអឺរ៉ុបស្នើបង្កើតកងកម្លាំងពហុជាតិដឹកនាំដោយអឹរ៉ុបនៅអ៊ុយក្រែន ៕
ចែករំលែកព័តមាននេះ