ក្រុងហុងកុង ៖ និយោជិតម្នាក់នៃស្ថានកុងស៊ុលអង់គ្លេសនៅហុងកុង ដែលបាត់ខ្លួនពីថ្ងៃទី៨ សីហា កន្លងមកសាច់ញាតិគ្រួសាររបស់គេអះអាងកាលពីថ្ងៃទី២១ សីហា ថាពិតជាត្រូវចិនចាប់ខ្លួន ។ អាជ្ញាធរហុងកុងធ្លាប់អះអាងពីការចាប់ខ្លួនជននោះ…
ក្រុងហុងកុង ៖ និយោជិតម្នាក់នៃស្ថានកុងស៊ុលអង់គ្លេសនៅហុងកុង ដែលបាត់ខ្លួនពីថ្ងៃទី៨ សីហា កន្លងមកសាច់ញាតិគ្រួសាររបស់គេអះអាងកាលពីថ្ងៃទី២១ សីហា ថាពិតជាត្រូវចិនចាប់ខ្លួន ។ អាជ្ញាធរហុងកុងធ្លាប់អះអាងពីការចាប់ខ្លួនជននោះ តែពុំមានធ្វើការបញ្ជាក់ច្បាស់ឡើយ ។
និយោជិតរូបនោះលោក SIMON CHENG កាលពីថ្ងៃទី៨ សីហា បានទៅកាន់ក្រុង SHENZHEN ក្បែរព្រំដែនហុងកុង តាមការណាត់ជួបគ្នាមួយក្នុងរឿងជំនួញ ។ នាពេលល្ងាចរូបគេបានធ្វើដំណើរវិលមកកាន់ហុងកុងវិញតាមរថភ្លើង ហើយបានផ្ញើរសារឆ្លើយឆ្លងគ្នាជាមួយមិត្តស្រីរបស់គេពេលឆ្លងកាត់ការត្រួតពិនិត្យរបស់គយ ។
ក្រោមការតាមដានរឿងនេះព្រមទាំងការទាក់ទងនានា ការិយាល័យពាណិជ្ជកម្មក្រុង SHENZHEN គ្រាន់តែប្រាប់ថា SIMON CHENG កំពុងជាប់ឃុំឃាំងរដ្ឋបាល តែពុំបានផ្ដល់ព័ត៌មានថែមទៀតទាក់ទិននឹងមូលហេតុ ទីកន្លែង និងរយៈពេលនៃការឃុំឃាំងឡើយ ។
ក្រសួងការបរទេសអង់គ្លេសមានការព្រួយបារម្ភយ៉ាងខ្លាំងចំពោះរឿងនោះ ។ ក្រសួងនេះនិយាយកាលពីថ្ងៃទី២០ សីហា ថាយើងមានការបារម្ភខ្លាំងណាស់ដោយសារព័ត៌មានដែលគូសបញ្ជាក់ពីការចាប់ខ្លួននិយោជិតម្នាក់នៃស្ថានកុងស៊ុលរបស់យើងនៅហុងកុង ៕
កែសម្រួលដោយ ៖ សំណាង
ចែករំលែកព័តមាននេះ