មាស ធ្លាក់ថ្លៃបន្តិចហើយនៅថ្ងៃនេះ
- ភ្នំពេញ
រាជធានីភ្នំពេញ ៖ ថ្ងៃនេះ ប្រៀបធៀបកាលពីចុងសប្តាហ៍មុន ហាងឆេងមាសបានធ្លាក់ថ្លៃបន្តិចមកវិញ នេះបើយោងតាមប្រភពពី លី ហួរ ។ ជាក់ស្តែងថ្ងៃទី១៩…
រាជធានីភ្នំពេញ ៖ ថ្ងៃនេះ ប្រៀបធៀបកាលពីចុងសប្តាហ៍មុន ហាងឆេងមាសបានធ្លាក់ថ្លៃបន្តិចមកវិញ នេះបើយោងតាមប្រភពពី លី ហួរ ។
ជាក់ស្តែងថ្ងៃទី១៩ សីហានេះ មាសគីឡូ១តម្លឹងទិញចូលតែ ១៧៩០ ដុល្លារអាមេរិក លក់ចេញ ១៨០៥ ដុល្លារអាមេរិកប៉ុណ្ណោះ ។
កាលពីចុងសប្តាហ៍ថ្ងៃទី ១៦ សីហា គឺ ១ តម្លឹងទិញចូលរហូតដល់ទៅ ១៨១០ ដុល្លារអាមេរិក និងលក់ចេញ ១៨៣០ ដុល្លារអាមេរិកឯណោះ ។
ទាក់ទងទៅនឹងហាងឆេងមាស គឺមួយរយៈពេលចុងក្រោយនេះគេសង្កេតឃើញថា មានការប្រែប្រួលរាល់ថ្ងៃ ហើយតម្លៃក៏ចេះតែកើនឡើងខ្ពស់មិនធ្លាប់មានផងដែរ ចាប់តាំងពីមានសង្គ្រាមពាណិជ្ជកម្ម ។
ដោយឡែកអត្រាប្តូរប្រាក់ប្រទេសសំខាន់ៗ ជាមួយប្រាក់រៀលសម្រាប់ថ្ងៃនេះ ធនាគារជាតិបានឱ្យដឹងថា ១ ដុល្លារអាមេរិកស្មើនឹង ៤០៨៤ រៀល, ១ ដុល្លារអូស្ត្រាលី ទិញចូល ២៧៩៧ រៀល លក់ចេញ ២៧៨៣ រៀល ។
ចំពោះលុយយន់ចិន គឺ ១ យន់ទិញចូល ៥៨០ រៀល លក់ចេញ ៥៨៦ រៀល, ១០០ យេនជប៉ុន ទិញចូល ៣៨៣៧ រៀល លក់ចេញ ៣៨៧៦ រៀល, ១០០ វុនកូរ៉េ ទិញចូល ៣៣៧ រៀល លក់ចេញ ៣៤១ រៀល, ១ ដុល្លារសិង្ហបុរី ទិញចូល ២៩៤៧ រៀល លក់ចេញ ២៩៧៧ រៀល ៕ (កែសម្រួលដោយ ៖ បុប្ផា)
ចែករំលែកព័តមាននេះ