លោកអាសេន អាវា៉កូវ រដ្ឋមន្ត្រីមហាផ្ទៃអ៊ុយក្រែនប្រកាស កាលពីថ្ងៃទី២៦ កុម្ភៈ ថា ប៉ូលិសប្រឆាំងកុបកម្មអ៊ុយក្រែន ដែលក្នុងការប៉ះទង្គិចគ្នាទាំងឡាយជាមួយពួកបាតុករ បណ្តាលឱ្យមនុស្សស្លា.ប់ប្រមាណជា១០០នាក់ នៅទីក្រុងគៀវនោះ ត្រូវបានរំលាយចោលហើយ ។
លោកអាសេន អាវា៉កូវ រដ្ឋមន្ត្រីមហាផ្ទៃអ៊ុយក្រែនប្រកាស កាលពីថ្ងៃទី២៦ កុម្ភៈ ថា ប៉ូលិសប្រឆាំងកុបកម្មអ៊ុយក្រែន ដែលក្នុងការប៉ះទង្គិចគ្នាទាំងឡាយជាមួយពួកបាតុករ បណ្តាលឱ្យមនុស្សស្លាប់ប្រមាណជា១០០នាក់ នៅទីក្រុងគៀវនោះ ត្រូវបានរំលាយចោលហើយ ។
ពួកខ្មាន់កាំភ្លើងនៃកងកម្លាំងប៉ូលិសពិសេសនោះ ហៅកងកម្លាំង BERKOUT ទទួលការចោទប្រកាន់ថាសម្លាប់សមនុស្សភាគច្រើន ក្នុងចំណោមជនរងគ្រោះរយៈពេល៣ថ្ងៃ នៃការប៉ះទង្គិចគ្នាកាលពីសប្តាហ៍មុន គឺមុនពេលដកតំណែងប្រធានាធិបតីលោក វិចទ័រ អីុយា៉នូកូវីត ដែលពេលនេះកំពុងត្រូវតាមរកចាប់ខ្លួនពីបទសម្លាប់មនុស្សច្រើន ។
តាម FACEBOOK លោកអាសេន អាវា៉កូវ និយាយថា កងកម្លាំង BERKOUT លែងមានទៀតហើយ ។ ខ្ញុំបានចុះហត្ថលេខាលើសេចក្តីសម្រេចចិត្តមួយរំលាយចោល កងឯកភាពពិសេសប៉ូលិស គឺកងឯកភាព BERKOUT ។ចំណែកសភាអ៊ុយក្រែន កាលពីថ្ងៃទី២៥ កុម្ភៈ បានអនុម័តគម្រោងច្បាប់មួយ ដែលគ្រោងឱ្យមានការកាត់ទោស ពួកអ្នកទទួលខុសត្រូវលើការសម្លាប់រង្គាល ពួកបាតុករ ដោយតុលាការយុត្តិធម៌អន្តរជាតិក្រុងឡាអេ ។ ក្នុងសេចក្តីប្រកាសមួយផ្ញើជូនតុលាការនេះ សភាអ៊ុយក្រែនបានស្នើឱ្យកំណត់អត្តសញ្ញាណ ហើយកាត់ទោសបណ្តាមន្ត្រីអុ៊យក្រែន ដែលចូលរួមក្នុងប្រតិបត្តិការប្រឆាំងពួកបាតុករ ៕
ចែករំលែកព័តមាននេះ