ខេត្តក្រចេះ៖ ឧកញ៉ា គង់ ក្រឹង ព្រមទាំងកូនប្រសារ ត្រូវបានតុលាការខេត្តក្រចេះ សម្រេចធ្វើការឃុំខ្លួនបណ្តោះអាសន្ននៅពន្ធនាគារខេត្ត កាលពីរសៀលថ្ងៃទី១៧ សីហា ក្រោយពីត្រូវ…
ខេត្តក្រចេះ៖ ឧកញ៉ា គង់ ក្រឹង ព្រមទាំងកូនប្រសារ ត្រូវបានតុលាការខេត្តក្រចេះ សម្រេចធ្វើការឃុំខ្លួនបណ្តោះអាសន្ននៅពន្ធនាគារខេត្ត កាលពីរសៀលថ្ងៃទី១៧ សីហា ក្រោយពីត្រូវ ក្រុមគណៈកម្មការបង្ក្រាបបទល្មើសធនធានធម្មជាតិថ្នាក់ជាតិបានឃាត់ខ្លួនបណ្តោះអាសន្ន ដើម្បីធ្វើការសាកសួរកសាងនីតិវិធីនៅបញ្ជារអាវុធហត្តខេត្តក្រចេះអស់រយៈ២ថ្ងៃរួចមក។
ចៅក្រមស៊ើបសួរនៃសាលាដំបូងខេត្តក្រចេះ លោក ម៉េង តូនី បានចេញដីបង្កាប់ឲ្យឃុំ ខ្លួនឧកញ៉ា គង់ ក្រឹង និងកូនប្រសារប្រុសឈ្មោះ មាត់ ណាស៊ាត អាយុ៣៨ឆ្នាំ នៅពន្ឋនាគារ ខេត្តក្រចេះ ក្រោមបទចោទ ប្រកាន់ពីប្រមូលផល អនុផលព្រៃឈើដោយគ្មាន លិខិតអនុញ្ញាត និងនាំចេញផល អនុផលព្រៃឈើដោយគ្មានអាជ្ញាប័ណ្ណ ប្រព្រឹត្តនៅភូមិច្រាបថ្មី ឃុំស្នួល ស្រុកស្នួល ខេត្តក្រចេះ កាលពីអំឡុងឆ្នាំ២០១៨ ឆ្នាំ២០១៩ តាមបទបញ្ញាតមាត្រា៩៨ កថាខណ្ឌទី២ ចំនុច១និងចំនុច៧ នៃច្បាប់ស្តីពីព្រៃឈើ ។
គួរំលឹកផងដែរថា ឧកញ៉ាគង់ ក្រឹង រួមទាំងកូនប្រសារប្រុសម្នាក់ទៀត ត្រូវបានក្រុមគណ កម្មាធិការបង្ក្រាបបទល្មើសធនធានធម្មជាតិ សម្រេចឃាត់ខ្លួននៅទីបញ្ជាការកងរាជអាវុធ ហត្ថខេត្តក្រចេះ កាលពីថ្ងៃទី១៥ សីហា ខណៈលោកនិងកូនប្រុសប្រសារប្រុស រួមទាំងមេការ មួយចំនួនទៀត បានចូលខ្លួនមកឆ្លើយបំភ្លឺលើសំណុំរឿងបទល្មើសព្រៃឈើទ្រង់ទ្រាយធំតាម តំបន់ព្រំដែន តាមលិខិតកោះហៅរបស់លោកឧត្តមសេនីយ៍ឯក ហុង វីណុល មេបញ្ជាការរង កងរាជអាវុធហត្ថលើផ្ទៃប្រទេស។
ការឈានឲ្យមានការឃាត់ខ្លួនឧកញ៉ាគង់ ក្រឹង ដែលគេស្គាល់ថា ជាអ្នករកស៊ីឈើដ៍ល្បី ឈ្មោះនៅក្នុងខេត្ត ក្រចេះរូបនេះ បានធ្វើឡើងបន្ទាប់ពីមានយុទ្ធនាការក្តៅចុះបង្ក្រាបជា លក្ខណៈទ្រង់ទ្រាយធំ ពីគណៈកម្មាថិការបង្ក្រាបបទល្មើសធនធានធម្មជាតិ ក្រោមការដឹកនាំ បញ្ជាផ្ទាល់ពីលោកនាយឧត្តមសេនីយ៍សៅ សុខា មេបញ្ជារងកងយុទ្ឋពលខេមរៈភូមិន្ទ និងជាមេបញ្ជាការកងរជអាវុធហត្ថលើផ្ទៃប្រទេស និង ជាប្រធានគណៈកម្មការជាតិបង្ក្រាបបទល្មើស ធនធានធម្មជាតិ ដែលបានអនុវត្តឡើងក្នុងក្របខ័ណ្ឌស្ទើរទូទាំងប្រទេស ខណះខេត្តក្រចេះ ត្រូវបានក្រុមការងារចុះអនុវត្តកាលពីដើមខែសីហា ។
ក្នុងយុទ្ឋនាការកាលចុះបង្ក្រាបយ៉ាងក្តៅគគុកកាលណោះកាលពីថ្ងៃទី៥ ខែសីហា កន្លង ទៅនាយឧត្តមសេនីយ៍សៅ សុខា មេបញ្ជារងកងយុទ្ឋពលខេមរៈ ភូមិន្ទនិងជាមេបញ្ជាការ កងរជអាវុធហត្ថលើផ្ទៃប្រទេស និងជាប្រធានគណៈកម្មការជាតិបង្ក្រាបបទល្មើស ធនធាន ធម្មជាតិ បានដឹកនាំក្រុមគណៈ កម្មាធិការចុះពិនិត្យទីតាំងនានា នៅតំបន់ទាំងក្នុងនិងក្រៅ បរិវេណសិប្បកម្មកែច្នៃឈើរបស់ លោកឧក ញ៉ាគង់ ក្រឹង ដែលស្ថិតនៅជាព្រំដែននិងជាតំបន់ ធ្លាប់មានការដឹកជញ្ជូនឈើឆ្លងកាត់ផងដែរ។ (សម្រួលដោយ៖ ស្រីណា)
ចែករំលែកព័តមាននេះ