ប្រធានាធិបតីអាមេរិក លោកបារ៉ាក់ អូបាម៉ា ក្នុងពេលជួបពិភាក្សាតាមទូរស័ព្ទមួយកាលពីថ្ងៃទី២៥ កុម្ភៈ ជាមួយប្រធានាធិបតីអាហ្វហ្គានីស្ថាន លោក ហាមីដ កាហ្សៃ បានលើកឡើងពីលទ្ធភាពដែលថា នឹងពុំមានសល់ទាហានអាមេរិកនៅអាហ្វហ្គានីស្ថានក្រោយឆ្នាំ២០១៤ ។
ប្រធានាធិបតីអាមេរិក លោកបារ៉ាក់ អូបាម៉ា ក្នុងពេលជួបពិភាក្សាតាមទូរស័ព្ទមួយកាលពីថ្ងៃទី២៥ កុម្ភៈ ជាមួយប្រធានាធិបតីអាហ្វហ្គានីស្ថាន លោក ហាមីដ កាហ្សៃ បានលើកឡើងពីលទ្ធភាពដែលថា នឹងពុំមានសល់ទាហានអាមេរិកនៅអាហ្វហ្គានីស្ថានក្រោយឆ្នាំ២០១៤ ។
លោក កាហ្សៃ បានបដិសេធមិនចុះហត្ថលេខាលើកិច្ចព្រមព្រៀងសន្ដិសុខទ្វេភាគីមួយ ដែលអាចនិងអនុញ្ញាតឱ្យមានការរក្សាទុកកងទាហានអាមេរិកនៅអាហ្វហ្គានីស្ថានក្រោយឆ្នាំ២០១៤ សម្រាប់ជួយក្នុងការបណ្ដុះបណ្ដាលនិងជួយទ្រទ្រង់ដល់កងកម្លាំងអាហ្វហ្គានីស្ថាន ហើយធ្វើប្រតិបត្ដិការនានាប្រឆាំងពួកភេរវករ ក្រោយការចាកចេញរបស់កងទាហានប្រយុទ្ធអាមេរិកភាគច្រើននិងកងកម្លាំងអូតង់ ។
លោកអូបាម៉ា ប្រាប់ដល់មេដឹកនាំអាហ្វហ្គានីស្ថានថា ក្រុងវ៉ាស៊ីនតោន ត្រៀមសម្រាប់ផែនការថ្មីមួយ ។ ពិសេសលោកអូបាម៉ា បានស្នើដល់មន្ទីរប៉ង់តាហ្គោនឱ្យធានាថា ខ្លួនមានផែនការសមស្របទាំងឡាយសម្រាប់ការដកថយដោយរៀបរយមុនពេលដាច់ឆ្នាំក្នុងករណីដែលសហរដ្ឋអាមេរិកអាចឈានដល់ការមិនរក្សាទុកទាហានណាម្នាក់នៅអាហ្វហ្គានីស្ថានក្រោយឆ្នាំ២០១៤។
ទោះបីយ៉ាងណា លោកអូបាម៉ា នៅតែបើកចំហចំពោះលទ្ធភាពនៃការចុះហត្ថលេខាលើកិច្ចព្រមព្រៀងខាងសន្ដិសុខមួយជាមួយអាហ្វហ្គានីស្ថាននាពេលក្រោយក្នុងឆ្នាំនេះ ព្រោះប្រធានាធិបតីអាហ្វហ្គានីស្ថានថ្មីត្រូវបោះឆ្នោតជ្រើសរើសក្នុងខែមេសា ខាងមុខនេះ៕
ចែករំលែកព័តមាននេះ