វិនិយោគិននៅលើពិភពលោកគ្រោងនឹងទិញភាគហ៊ុនបន្ថែមទៀតនៅក្នុងឆ្នាំ២០១៤នេះ ដើម្បីស្វែងរកប្រាក់ចំណូលឲ្យបានខ្ពស់ បើទោះបីជា មានក្តីបារម្ភពីការកើនឡើងពន្ធ អតិផរណាកើន ឡើងខ្ពស់ និងការធ្លាក់ចុះកំណើនសេដ្ឋកិច្ចពិភព លោកក៏ដោយ នេះបើយោងតាមការអង្កេតមួយដែលបង្ហាញកាលពីថ្ងៃពុធ ។
វិនិយោគិននៅលើពិភពលោកគ្រោងនឹងទិញភាគហ៊ុនបន្ថែមទៀតនៅក្នុងឆ្នាំ២០១៤នេះ ដើម្បីស្វែងរកប្រាក់ចំណូលឲ្យបានខ្ពស់ បើទោះបីជា មានក្តីបារម្ភពីការកើនឡើងពន្ធ អតិផរណាកើន ឡើងខ្ពស់ និងការធ្លាក់ចុះកំណើនសេដ្ឋកិច្ចពិភព លោកក៏ដោយ នេះបើយោងតាមការអង្កេតមួយដែលបង្ហាញកាលពីថ្ងៃពុធ ។
នៅពេលដែលផ្សារហ៊ុននៅតំបន់ Wall Street មានកំណើនខ្ពស់ ហើយផ្សារភាគហ៊ុននៅលើពិភពលោកកើនឡើងដល់ទៅ៦ឆ្នាំគិតត្រឹមឆ្នាំ២០១៣ វិនិយោគិន៦នាក់ក្នុងចំណោមវិនិយោគិន១០នាក់ដែលបានធ្វើការអង្កេតដោយក្រុមហ៊ុនគ្រប់គ្រងមូលនិធិអង់គ្លេសSchrodersនិយាយថា វិនិយោគិនទាំងនោះនៅតែមានគម្រោងទិញហ៊ុនបន្ថែមនៅក្នុងឆ្នាំនេះ ។
លោក Carlo Trabattoni ប្រធានក្រុមហ៊ុនចែកចាយអន្តរការីប្រចាំទ្វីបអឺរ៉ុបនិយាយថា វិនិយោគិនភាគច្រើននឹងធ្វើការវិនិយោគបន្ថែមទៀតនៅក្នុងឆ្នាំ២០១៤នេះ ដោយផ្អែកលើមូលដ្ឋាននៃទិដ្ឋភាពសេដ្ឋកិច្ចល្អប្រសើរ ។ ក្រុមហ៊ុនបានធ្វើការអង្កេតលើវិនិយោគិនចំនួន១៥.៧៤៩រូប នៅក្នុង២៣ប្រទេស ដែលមានបំណងវិនិយោគទឹកប្រាក់យ៉ាងហោចណាស់១០.០០០អឺរ៉ូ ក្នុងអំឡុងពេល១២ខែខាងមុខ ។
ការអង្កេតបានបង្ហាញថា វិនិយោគិន៤១%គ្រោងនឹងវិនិយោគនៅក្នុងប្រទេសរបស់គេផ្ទាល់ ហើយវិនិយោគិនប្រហែល២នាក់ ក្នុងចំណោម៥នាក់និយាយថា គេឃើញកាលានុវត្តភាពនៅក្នុងតំបន់អាស៊ីប៉ាស៊ីហ្វិក ចំណែកវិនិយោគិន៣នាក់ក្នុងចំណោម១០នាក់សម្លឹងទៅអាមេរិកខាងជើង ។
វិនិយោគិនទាំងអស់ដែលបានធ្វើការអង្កេតនិយាយថា នៅក្នុងឆ្នាំនេះគេមានទំនុកចិត្តច្រើនជាងឆ្នាំមុន ព្រោះថាបរិយាកាសពាណិជ្ជកម្ម និងកាលានុវត្តភាពវិនិយោគមានភាពល្អប្រសើរជាងមុន ។ ប៉ុន្តែអ្វីដែលជាក្តីបារម្ភធំបំផុតនោះគឺ ការដំឡើងពន្ឋ ជាពិសេសនៅសហភាពអឺរ៉ុប ដែលបានគិតពន្ធខ្ពស់សម្រាប់ប្រតិបត្តិការហិរញ្ញវត្ថុក្នុងការជួញដូរភាគហ៊ុន ៕
ចែករំលែកព័តមាននេះ