សហរដ្ឋអាមេរិក-ឥណ្ឌា ៖ បណ្តាក្រុមហ៊ុនចម្រាញ់ប្រេងរបស់ឥណ្ឌាបានបង្កើនការទិញប្រេងឆៅរបស់សហរដ្ឋអាមេរិកក្នុងខែនេះ ក្នុងតម្លៃប្រកួតប្រជែង ហើយនេះគឺជាការផ្លាស់ប្តូរអាចជួយកាត់បន្ថយឱនភាពពាណិជ្ជកម្មជាមួយអាមេរិក ចំពេលមានភាពតានតឹងរវាងប្រទេសទាំងពីរ។ នេះបើតាមប្រភពពីទីភ្នាក់ងារសារព័ត៌មាន Reuters ចេញផ្សាយនៅថ្ងៃទី២៩ ខែសីហា…
សហរដ្ឋអាមេរិក-ឥណ្ឌា ៖ បណ្តាក្រុមហ៊ុនចម្រាញ់ប្រេងរបស់ឥណ្ឌាបានបង្កើនការទិញប្រេងឆៅរបស់សហរដ្ឋអាមេរិកក្នុងខែនេះ ក្នុងតម្លៃប្រកួតប្រជែង ហើយនេះគឺជាការផ្លាស់ប្តូរអាចជួយកាត់បន្ថយឱនភាពពាណិជ្ជកម្មជាមួយអាមេរិក ចំពេលមានភាពតានតឹងរវាងប្រទេសទាំងពីរ។ នេះបើតាមប្រភពពីទីភ្នាក់ងារសារព័ត៌មាន Reuters ចេញផ្សាយនៅថ្ងៃទី២៩ ខែសីហា ឆ្នាំ២០២៥។
ក្រុមហ៊ុនចម្រាញ់ប្រេងកំពូលរបស់ឥណ្ឌា Indian Oil Corp បានទិញប្រេងឆៅ ៥ លានបារ៉ែលរបស់អាមេរិក West Texas Intermediate សម្រាប់ចែកចាយក្នុងខែតុលា និងវិច្ឆិកា តាមរយៈការដេញថ្លៃ ការទិញនេះបានកើតឡើងបន្ទាប់ពីក្រុមហ៊ុនចម្រាញ់ប្រេងរដ្ឋឥណ្ឌាមួយផ្សេងទៀត Bharat Petroleum Corp ទិញប្រេងឆៅអាមេរិកចំនួន ២ លានបារ៉ែល ខណៈដែលក្រុមហ៊ុនចម្រាញ់ឯកជន Reliance Industries បានទិញប្រេងឆៅអាមេរិកចំនួន ២ លានបារ៉ែលតាមរយៈក្រុមហ៊ុន Vitol ។
បណ្តាក្រុមហ៊ុនចម្រាញ់ប្រេងឥណ្ឌា រួមជាមួយក្រុមហ៊ុនផ្សេងទៀតនៅអាស៊ីបានបង្កើនការទិញប្រេងឆៅរបស់អាមេរិក។ ទោះយ៉ាងណាក៏ដោយ ឥណ្ឌាស្ថិតក្រោមសម្ពាធក្នុងការទិញប្រេងឆៅពីអាមេរិកបន្ថែមទៀត បន្ទាប់ពីប្រទេសសេដ្ឋកិច្ចធំបំផុតលើពិភពលោកមួយនេះ បានសម្រេចដំឡើងពន្ធទ្វេដងលើទំនិញនាំចូលរបស់ឥណ្ឌារហូតដល់ ៥០% ដោយសារឥណ្ឌានៅតែបន្តទិញប្រេងឆៅពីរុស្ស៊ី ខណៈដែលលោក ត្រាំ បានព្រមានរួចហើយថា លោកនឹងដំឡើងពន្ធលើឥណ្ឌា ព្រោះឥណ្ឌាមិនបានខ្វាយខ្វល់ថាមានមនុស្សប៉ុន្មាននាក់នៅអ៊ុយក្រែនត្រូវបានសម្លាប់ ដោយសារម៉ាស៊ីនសង្គ្រាមរបស់រុស្ស៊ី៕
ចែករំលែកព័តមាននេះ