ប្រទេសវៀតណាមរំពឹងថានឹងរកចំណូលបាន៤,៣៣ពាន់លានដុល្លារ ពីការនាំចេញផលិតផលកសិកម្ម រុក្ខាប្រមាញ់ និងជលផលនៅក្នុងរយៈពេលពីរខែដំបូងឆ្នាំ២០១៤នេះ ពោលគឺកើនឡើង៩,៤%បើធៀបនឹងរយៈពេលដូចគ្នាកាលពីឆ្នាំមុន នេះបើយោងតាមរបាយការណ៍ពីក្រសួងកសិកម្ម និងអភិវឌ្ឍន៍ជនបទវៀតណាម ។
ប្រទេសវៀតណាមរំពឹងថានឹងរកចំណូលបាន៤,៣៣ពាន់លានដុល្លារ ពីការនាំចេញផលិតផលកសិកម្ម រុក្ខាប្រមាញ់ និងជលផលនៅក្នុងរយៈពេលពីរខែដំបូងឆ្នាំ២០១៤នេះ ពោលគឺកើនឡើង៩,៤%បើធៀបនឹងរយៈពេលដូចគ្នាកាលពីឆ្នាំមុន នេះបើយោងតាមរបាយការណ៍ពីក្រសួងកសិកម្ម និងអភិវឌ្ឍន៍ជនបទវៀតណាម ។
យោងតាមរបាយការណ៍បានបង្ហាញថា បើគិតតែខែកុម្ភៈមួយ ការនាំចេញផ្នែកកសិកម្មរបស់វៀតណាមនឹងឈានដល់២,០៨ពាន់លានដុល្លារ ។ ក្នុងចំណោមប្រាក់ចំណូលនៃការនាំចេញផ្នែកកសិកម្មរបស់វៀតណាម កាលពីអំឡុងខែមករា-កុម្ភៈ ទទួលបាន១,៧៣ពាន់លានដុល្លារ ពីការនាំចេញផលិតផលកសិកម្មធំៗមួយចំនួនទៅកាន់ទីផ្សារពិភពលោក ខណៈដែលទទួលបានប្រាក់ចំណូល៩១៩លានដុល្លារ ពីការនាំចេញជលផល និង៨៣៧លានដុល្លារ ពីការនាំចេញរុក្ខាប្រមាញ់ ។
យោងតាមរបាយការណ៍ដដែល អំឡុងពេលដូចគ្នានេះប្រទេសវៀតណាមបានជួបនឹងការធ្លាក់ចុះផលិតផលកសិកម្មសំខាន់ៗជាច្រើនដូចជា អង្ករ កាហ្វេ និងកៅស៊ូ ។ ចំណែកកំណើននៃការនាំចេញគ្រឿងសមុទ្រ និងឈើ បានជួយបង្កើនប្រាក់ចំណូលនាំចេញរបស់វៀតណាមក្នុងរយៈពេលពីរខែដំបូងនៅក្នុងឆ្នាំនេះ ៕
ចែករំលែកព័តមាននេះ