រាជធានីភ្នំពេញ ៖ រថយន្តកុងតឺន័រមួយគ្រឿងដឹកទំនិញសំពីងសំពោងបើកបរមិនប្រយ័ត្នបានទាក់ខ្សែភ្លើង និងដាច់ប្រអប់កុងទ័រដាច់ធ្លាក់រាយប៉ាយពេញផ្លូវ ហើយបើកគេចបាត់។
រាជធានីភ្នំពេញ ៖ រថយន្តកុងតឺន័រមួយគ្រឿងដឹកទំនិញសំពីងសំពោងបើកបរមិនប្រយ័ត្នបានទាក់ខ្សែភ្លើង និងដាច់ប្រអប់កុងទ័រដាច់ធ្លាក់រាយប៉ាយពេញផ្លូវ ហើយបើកគេចបាត់។ ហេតុការណ៍នេះបានកើតឡើងកាលពីវេលាម៉ោង៣ និង៣០នាទីទៀបភ្លឺ ថ្ងៃទី២៥ កុម្ភៈ ២០១៤ មុខស្ថានីយប្រេងឥន្ធនៈតេលា ភូមិទួលគោក សង្កាត់ទួលសង្កែ ខណ្ឌប្ញស្សីកែវ។
ប្រភពព័ត៌មានបានឱ្យដឹងថា រថយន្តកុងតឺន័រដឹកទំនិញសំពីងសំពោងខ្ពស់ពេកបើកមិនប្រយ័ត្នបានទាក់ខ្សែភ្លើង និងខ្សែកាបបណ្តាលឱ្យដាច់ធ្លាក់រាយប៉ាយពេញផ្លូវ ព្រមទាំងបុកប្រអប់កុងទ័រភ្លើងលេខ៣៦៩.១០៧A ធ្លាក់អស់មួយប្រអប់ធ្វើឱ្យខូចខាតកុងទ័រចំនួន៤ ហើយរថយន្តបង្កបើករត់គេចបាត់។
ក្រោយកើតហេតុសមត្ថកិច្ចបានត្រឹមតែរាយការណ៍ទៅខាងមន្ត្រីអគ្គិសនីកម្ពុជាចុះទៅពិនិត្យ និងជួសជុលការបាក់បែក និងខូចខាតខ្សែភ្លើងនោះឡើងវិញ ៕
ចែករំលែកព័តមាននេះ