យោងតាមប្រភពព័ត៌មានរ៉យទ័រ ចេញផ្សាយកាលពីថ្ងៃអង្គារទី២៥ កុម្ភៈ ឆ្នាំ២០១៤ បានឱ្យដឹងថា ក្លិប Barcelona បានយល់ព្រមបង់ប្រាក់១៨លានដុល្លារអាមេរិកឱ្យរតនាគារអេស្ប៉ាញ បន្ទាប់ពីតុលាការរកឃើញកំហុស ហើយត្រូវចោទប្រកាន់ពីបទបន្លំពន្ធលើករណីទិញកីឡាករវ័យក្មេងប្រេស៊ីលនីម៉ា ។
យោងតាមប្រភពព័ត៌មានរ៉យទ័រ ចេញផ្សាយកាលពីថ្ងៃអង្គារទី២៥ កុម្ភៈ ឆ្នាំ២០១៤ បានឱ្យដឹងថា ក្លិប Barcelona បានយល់ព្រមបង់ប្រាក់១៨លានដុល្លារអាមេរិកឱ្យរតនាគារអេស្ប៉ាញ បន្ទាប់ពីតុលាការរកឃើញកំហុស ហើយត្រូវចោទប្រកាន់ពីបទបន្លំពន្ធលើករណីទិញកីឡាករវ័យក្មេងប្រេស៊ីលនីម៉ា ។
ក្លិបអ្នកមានបុណ្យ Barcelona បានទិញកីឡាករខ្សែប្រយុទ្ធនីម៉ាពីក្លិប Santos ក្នុងតម្លៃខ្លួន៤៨,៦លានផោនស្មើនឹងជាង៨០លានដុល្លារកាលពីរដូវក្តៅ ។ នៅក្នុងលិខិតចោទប្រកាន់របស់តុលាការបានលើកឡើងថា ក្លិប Barce-lona បានព្យាយាមលាក់បាំងតម្លៃខ្លួនពិតប្រាកដរបស់កីឡាកររូបនេះ ដើម្បីបន្ធូរបន្ថយការបង់ពន្ធ ។ កាលពីសប្តាហ៍កន្លងទៅនេះតុលាការអេស្បា៉ញទទួលបន្ទុកសើុបអង្កេតរឿងក្តីនេះបាននិយាយថា តុលាការមានភស្តុតាងគ្រប់គ្រាន់ដើម្បីដាក់បន្ទុកក្លិប Barcelona ចំពោះរឿងក្តីទិញដូរកីឡាករ ។
ទោះបីក្លិប Barcelona ព្រមបង់ពន្ធទៅតាមការបង្គាប់របស់តុលាការក្តី តែក្លិបនៅតែបដិសេធថាខ្លួនមិនបានធ្វើអ្វីខុសពីច្បាប់នោះឡើយ ហើយការបង់នេះគឺជាការបង់ពន្ធដោយស្ម័គ្រចិត្ត ដោយមិនចង់ឱ្យមានរឿងអាស្រូវដែលអាចប៉ះពាល់ដល់កិត្តិយសក្លិបតែប៉ុណ្ណោះ ។ជាមួយគ្នានេះដែរ តុលាការបានស្នើសុំឱ្យភ្នាក់ងារប្រមូលពន្ធក្លិបបាល់ទាត់បន្តពិនិត្យការបង់ពន្ធរបស់ក្លិប Barcelona ក្នុងឆ្នាំ២០១១,២០១២ និង២០១៣ ជាបន្តទៀត ៕
ចែករំលែកព័តមាននេះ