បណ្តាមនុស្សរបស់លោកស្រីយីងឡាក់ ស៊ីណាវ៉ាត្រា នាយករដ្ឋមន្ត្រីចាំផ្ទះថៃ ឱ្យដឹងកាលពីថ្ងៃទី ២៤ កុម្ភៈថា លោកស្រីយីងឡាក់ ជាគោលដៅរបស់ពួកបាតុករប្រឆាំងរដ្ឋាភិបាល ដែលធ្វើឱ្យស្ទះដល់សង្កាត់មួយចំនួននៃក្រុងបាងកក ចាប់តាំងពីច្រើនសប្តាហ៍មកហើយនោះបានចាកចេញពីរាជធានី ហើយទៅស្នាក់នៅកន្លែងមួយចម្ងាយ១៥០គីឡូម៉ែត្រពីរាជធានី តែគេពុំបញ្ជាក់ថា តើលោកស្រីស្ថិតនៅ
បណ្តាមនុស្សរបស់លោកស្រីយីងឡាក់ ស៊ីណាវ៉ាត្រា នាយករដ្ឋមន្ត្រីចាំផ្ទះថៃ ឱ្យដឹងកាលពីថ្ងៃទី ២៤ កុម្ភៈថា លោកស្រីយីងឡាក់ ជាគោលដៅរបស់ពួកបាតុករប្រឆាំងរដ្ឋាភិបាល ដែលធ្វើឱ្យស្ទះដល់សង្កាត់មួយចំនួននៃក្រុងបាងកក ចាប់តាំងពីច្រើនសប្តាហ៍មកហើយនោះបានចាកចេញពីរាជធានី ហើយទៅស្នាក់នៅកន្លែងមួយចម្ងាយ១៥០គីឡូម៉ែត្រពីរាជធានី តែគេពុំបញ្ជាក់ថា តើលោកស្រីស្ថិតនៅកន្លែងណាឡើយ។
មនុស្សលោកស្រីយីងឡាក់ ពុំនិយាយឡើយថា តើលោកស្រីចាកចេញពីបាងកកយូរបុ៉ណ្ណាទេ។ លោកស្រីត្រូវបានគេឃើញចុងក្រោយជាសាធារណៈក្នុងរាជធានីកាលពីថ្ងៃទី១៨ កុម្ភៈកន្លងមកនេះ ហើយលោកស្រីត្រូវគេកោះហៅចូលក្នុងសវនាការចោទប្រកាន់ពីរឿងពុករលួយនាថ្ងៃទី២៧ កុម្ភៈ នៅក្រុងបាងកក ។រដ្ឋមន្ត្រីការបរទេសលោកស៊ូរ៉ាពង្ស តូវីចក្រឆៃគុល គូសបញ្ជាក់ថា លោកស្រីយីងឡាក់ នឹងបើកកិច្ចប្រជុំគណៈរដ្ឋមន្ត្រីនាថ្ងៃទី២៥ កុម្ភៈ ។ លោកថ្លែងទៅកាន់សារព័ត៌មានថា វាច្បាស់ខ្លាំងដែលយើងនឹងធ្វើកិច្ចប្រជុំគណៈរដ្ឋមន្ត្រីនោះនៅក្រៅក្រុងបាងកក ។ ខ្ញុំពុំត្រូវបានគេប្រាប់ពីកន្លែងដែលលោកស្រីយីងឡាក់ ស្ថិតនៅនាពេលបច្ចុប្បន្នឡើយ។
ប្រមុខកងទ័ពជើងគោកថៃ លោកប្រាយុទ្ធចាន់អូចា ថ្លែងកាលពីថ្ងៃទី២៤ កុម្ភៈ តាមទូរទស្សន៍ថា កងទ័ពពុំមានចេតនាធ្វើអន្តរាគមន៍ចូលក្នុងវិបត្តិនយោបាយរបស់ប្រទេសឡើយ ហើយលោកអំពាវនាវឱ្យរដ្ឋាភិបាល និងពួកបាតុករចរចាគ្នា ៕
ចែករំលែកព័តមាននេះ