អាសូរពលរដ្ឋខ្មែរប្រថុយជីវិតឆ្លងដែនចូលទឹកដីគេខុសច្បាប់ត្រូវគេដេញបា.ញ់ដូចសត្វធាតុ
- ព្រះវិហារ
ខេត្តព្រះវិហារ ៖ ប្រជាពលរដ្ឋខ្មែរម្នាក់ឈ្មោះ ឈិន ឡាង ភេទប្រុស អាយុ២៤ឆ្នាំ រស់នៅភូមិអូរក្សាន្ត ឃុំទឹកក្រហម ស្រុកជាំក្សាន្ត…
ខេត្តព្រះវិហារ ៖ ប្រជាពលរដ្ឋខ្មែរម្នាក់ឈ្មោះ ឈិន ឡាង ភេទប្រុស អាយុ២៤ឆ្នាំ រស់នៅភូមិអូរក្សាន្ត ឃុំទឹកក្រហម ស្រុកជាំក្សាន្ត…
ខេត្តព្រះវិហារ ៖ ប្រជាពលរដ្ឋខ្មែរម្នាក់ឈ្មោះ ឈិន ឡាង ភេទប្រុស អាយុ២៤ឆ្នាំ រស់នៅភូមិអូរក្សាន្ត ឃុំទឹកក្រហម ស្រុកជាំក្សាន្ត ខេត្តព្រះវិហារ ក្នុងចំណោមគ្នា៥នាក់បានរងរបួសត្រូវគ្រាប់កាំភ្លើងចំជើងស្តាំម្ខាង ខណៈធ្វើដំណើរលួចឆ្លងដែនចូលទឹកដីថៃខុសច្បាប់ទៅរកបេះផ្កាអរគីដេ ដើម្បីយកមកលក់ ប៉ុន្តែត្រូវទាហានថៃដេញបាញ់ ។ ហេតុការណ៍នេះបានកើតឡើងកាលពីវេលាម៉ោង ៩និង០០នាទីព្រឹក ថ្ងៃទី១៣ ខែសីហា ឆ្នាំ២០១៩ ត្រង់ចំណុចប៊ើយទឹកភ្នែក ស្ថិតនៅក្នុងភូមិសាស្ត្រ ស្រុកជាំក្សាន្ត ខេត្តព្រះវិហារ ។
នេះបើតាមសមត្ថកិច្ចមូលដ្ឋានបានប្រាប់ឱ្យដឹងនៅព្រឹកថ្ងៃទី១៥ សីហា ថានៅមុនពេលកើតហេតុជនរងគ្រោះបានលួចឡើងភ្នំឆ្លងដែនចូលទៅទឹកដីថៃមានគ្នាសរុបចំនួន៥នាក់ដើម្បីដើររកបេះផ្កាអរគីដេ ប៉ុន្តែសំណាងមិនល្អជួបកម្លាំងទាហានថៃដេញបាញ់បណ្តាលឱ្យរងរបួសម្នាក់ ចំជើងស្តាំចំនួន១គ្រាប់ ក្រោយមកជនរងគ្រោះបានខិតខំរត់គេចខ្លួនពួននៅក្នុងព្រៃពីការបាញ់ប្រហាររបស់ទាហានថៃ ដោយឡែកគ្នា៤នាក់ទៀតបានរត់គេចខ្លួនដោយសុវត្ថិភាព ។
លុះមកដល់ម៉ោង០៤និង០០នាទីល្ងាច ថ្ងៃទី១៤ ខែសីហា ឆ្នាំ២០១៩ បុរស៤នាក់ដែលបានរត់គេចរួចពីការបាញ់សម្លាញ់របស់ទាហានបានចុះពីលើភ្នំមកប្រាប់ក្រុមគ្រួសារជនរងគ្រោះអោយបានដឹងដើម្បីនាំគ្នាឡើងទៅយកជនរងគ្រោះសែងចុះពីលើភ្នំដងរ៉ែកយកទៅកាន់មន្ទីរពេទ្យបង្អែកស្រុកជាំក្សាន្តដើម្បីជួយសង្គ្រោះ ។
សូមបញ្ជាក់ថា មកដល់ពេលនេះជនរងគ្រោះត្រូវបានបញ្ជូនបន្តពីមន្ទីរពេទ្យបង្អែកស្រុកជាំក្សាន្តទៅកាន់មន្ទីរពេទ្យបង្អែក១៦មករា ក្រុងព្រះវិហារបន្ទាន់ដោយសារតែស្ថានជនរងគ្រោះ មានឈាមហូរអស់ច្រើនពេក ៕
កែសម្រួលដោយ ៖ សំណាង
ចែករំលែកព័តមាននេះ