ខេត្តកំពង់ស្ពឺ ៖ យ៉ាងហោចណាស់ក្មេងស្រីម្នាក់បានស្លា.ប់ និង២នាក់ទៀតរបួសធ្ងន់ដោយសាររថយន្តដឹកថ្មមួយគ្រឿងដាច់កង់ក្រោយរមៀលទៅបុក ខណៈពួកគេកំពុងឈរលេងនៅក្នុងរបងផ្ទះ ។
ខេត្តកំពង់ស្ពឺ ៖ យ៉ាងហោចណាស់ក្មេងស្រីម្នាក់បានស្លាប់ និង២នាក់ទៀតរបួសធ្ងន់ដោយសាររថយន្តដឹកថ្មមួយគ្រឿងដាច់កង់ក្រោយរមៀលទៅបុក ខណៈពួកគេកំពុងឈរលេងនៅក្នុងរបងផ្ទះ ។ ហេតុការណ៍នេះបានកើតឡើងកាលពីវេលាម៉ោង៤រសៀល ថ្ងៃទី២៣ កុម្ភៈ ២០១៤ នៅចំណុចផ្លូវលំភូមិថ្នល់បំបែក សង្កាត់ស្វាយក្រវ៉ាន់ ក្រុងច្បារមន។
ប្រភពព័ត៌មានបានឱ្យដឹងថា ក្មេងស្រីដែលស្លាប់ឈ្មោះថៃ ធីតា អាយុ១៣ឆ្នាំ ចំណែកក្មេងស្រី២នាក់ទៀតជាប្អូនរបស់ក្មេងស្រីរងគ្រោះ រស់នៅភូមិ-ឃុំកើតហេតុខាងលើ។
ប្រភពបន្តថា មុនពេលកើតហេតុគេឃើញរថយន្តមួយគ្រឿងម៉ាក NISSAN DIESEL ពណ៌ក្រហម ពាក់ស្លាកលេខតាកែវ៣A១១៨៩ បើកដោយឈ្មោះពុត ប៊ុនធឿន ភេទប្រុស អាយុ២៦ឆ្នាំ រស់នៅភូមិព្រៃកន្ទ្រា ឃុំរលាំងកែន ស្រុកកណ្តាលស្ទឹងធ្វើដំណើរពីលិចទៅកើត លុះមកដល់ចំណុចកើតហេតុរថយន្តបានដាច់កង់ក្រោយផ្នែកខាងឆ្វេងរមៀលទៅបុកក្មេងស្រីរងគ្រោះទាំង៣នាក់បងប្អូនដែលកំពុងឈរលេងនៅក្នុងរបងផ្ទះបណ្តាលឱ្យស្លាប់ម្នាក់ និងរបួសធ្ងន់២នាក់។
ក្រោយកើតហេតុក្មេងស្រីដែលរបួសធ្ងន់ត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យ ចំណែករថយន្តបង្កត្រូវសមត្ថកិច្ចយកទៅរក្សាទុកនៅការិយាល័យចរាចរណ៍ខេត្តកំពង់ស្ពឺរង់ចាំដោះស្រាយតាមច្បាប់ ៕
ចែករំលែកព័តមាននេះ