ខេត្តបន្ទាយមានជ័យ ៖ អាជ្ញាធរក្រុងមានវិធានការក្តៅចំពោះអ្នកដែលធ្វើសំយាបផ្ទះរំលោភចំណីផ្លូវសុំអោយអនុវត្តអោយស្មើភាពគ្នា ដែលចុះអនុវត្តនៅថ្ងៃទី១៥ ខែសីហា ឆ្នាំ២០១៩ តាមបណ្តោយផ្លូវជាតិលេខ៥ ស្ថិតភូមិ-សង្កាត់ទឹកថ្លា ក្រុងសិរីសោភ័ណ ។
លោក នាង ហាវ អភិបាលរងក្រុងសិរីសោភ័ណបានប្រាប់ថា ក្រោយពេលទទួលព័ត៌មានបានដឹងមានតូបលក់ទូរស័ព្ទ១កន្លែងត្រង់ខាងកើតផ្លូវបំបែកជាបីជាប់ភ្លើងស្តប់ក្នុងភូមិ-សង្កាត់ទឹកថ្លាត្រូវបានសង់សំយាបតូបលក់ទូរស័ព្ទរំលោភចំណីផ្លូវជាតិដែលខុសនឹងច្បាប់ ហើយអាជ្ញាធរក្រុង និងសង្កាត់ ព្រមទាំងមន្ត្រីជំនាញបានចុះហាមឃាត់អោយបញ្ឈប់សកម្មភាព និងសំណង់ធ្វើរំលោភចំណីផ្លូវត្រូវរុះរើចេញជាបន្ទាន់ ។
លោកបានបញ្ជាក់ថា ការអនុវត្តន៍នេះមិនមែនធ្វើតែមួយកន្លែងនេះទេ គឺអាជ្ញាធរ និងមន្ត្រីជំនាញរកឃើញមានអ្នកដែលសាងសង់លំនៅដ្ឋានឬសំណង់គ្មានច្បាប់ និងធ្វើសំយាបគ្មានច្បាប់ត្រូវមានវិធានការលុបបំបាត់អោយអស់មិនត្រូវអោយកើតមានប៉ះពាល់សណ្តាប់ធ្នាប់សាធារណៈឡើយ ។
លោកអភិបាលរងក្រុងបានបញ្ជាក់ថា ចំពោះម្ចាស់តូបលក់ទូរស័ព្ទដែលសង់សំយាបរំលោភចំណីផ្លូវត្រូវបានអោយរុះរើចេញហើយអោយមន្ត្រីអាជ្ញាធរធ្វើកិច្ចសន្យាអោយបញ្ឈប់សកម្មភាពសាងសង់សំយាប់តូបរំលោភចំណីផ្លូវបន្តទៀតបើនៅតែបន្ត និងចាត់ការតាមច្បាប់ដោយគ្មានការលើកលែង ។
ម្ចាស់តូបលក់ទូរស័ព្ទបានសំណូមពរដល់អាជ្ញាធរដែលចុះអនុវត្តការងារត្រូវអនុវត្តអោយមានភាពយុត្តិធម៌កុំធ្វើបានតែមួយកន្លែងត្រូវគ្រប់កន្លែងដែលមានការសាងសង់សំណង់គ្មានច្បាប់និងធ្វើសំយាបរំលោភចំណីផ្លូវអ្នកមានលុយមានអំណាចធ្វើបានតែអ្នកស្លូតត្រង់ធ្វើយ៉ាងណាអោយស្មើភាព ៕
កែសម្រួលដោយ ៖ សំណាង
ចែករំលែកព័តមាននេះ