អតីតម្ចាស់ជើងឯកក្របខ័ណ្ឌធំ៧ជំនាន់នាងវេនីស វីលៀម បានក្លាយជាម្ចាស់ពានកម្មវិធី WTA Dubai Open បន្ទាប់ពីបានយកឈ្នះគូប្រជែងរបស់ខ្លួនមកពីប្រទេសបារាំង Alise Cornet នៅវគ្គផ្តាច់ព្រ័ត្រកាលពីថ្ងៃសៅរ៍ ទី២២ កុម្ភៈ នាទីក្រុងឌូបៃ ប្រទេសអេមីរ៉ាត់អារ៉ាប់រួម ។
អតីតម្ចាស់ជើងឯកក្របខ័ណ្ឌធំ៧ជំនាន់នាងវេនីស វីលៀម បានក្លាយជាម្ចាស់ពានកម្មវិធី WTA Dubai Open បន្ទាប់ពីបានយកឈ្នះគូប្រជែងរបស់ខ្លួនមកពីប្រទេសបារាំង Alise Cornet នៅវគ្គផ្តាច់ព្រ័ត្រកាលពីថ្ងៃសៅរ៍ ទី២២ កុម្ភៈ នាទីក្រុងឌូបៃ ប្រទេសអេមីរ៉ាត់អារ៉ាប់រួម ។
ការយកឈ្នះក្នុងលទ្ធផលពិន្ទុ៦-៣ និង៦-០លើនាង Cornet លើកនេះ បាននាំឱ្យវេនីសទទួលបានពានជើងឯកសមាគម WTA Tour លើកទី១ ក្នុងរយៈពេល១៦ខែកន្លងទៅនេះ ។ មួយវិញទៀត វាក៏បានជួយលាងជម្រះនូវភាពមន្ទិលសង្ស័យទាំងឡាយដែលថា ការវិលត្រឡប់មកប្រកួតជាថ្មីក្នុងវ័យ៣៣ឆ្នាំរបស់នាងលើកនេះនឹងគ្មានទទួលបានលទ្ធផលជាដុំកំភួនអ្វីនោះ ។ សូមបញ្ជាក់ថា នាងវេនីស ធ្លាប់បានយកឈ្នះពាននៅទីក្រុងឌូបៃម្តងរួចមកហើយ កាលពី៤ឆ្នាំមុន ។
នាងបានថ្លែងថា ៖ «វាជាការប្រសើរណាស់ដែលបានត្រឡប់មកប្រកួតទីនេះជាថ្មីម្តងទៀត។ ដំបូងខ្ញុំគិតថា ខ្លួនខ្ញុំអាចនឹងជួបជាមួយប្អូនស្រីស៊េរីណា ប៉ុន្តែដោយនាង Cornet ជាអ្នកដណ្តើមបានជ័យជម្នះក្នុងវគ្គពាក់កណ្តាលផ្តាច់ព្រ័ត្រ ។ ដូច្នេះ ឱកាសអាក្រក់នោះក៏រលាយបាត់។ ខ្ញុំបានបន្តហ្វឹកហាត់ជាប់ជានិច្ច ហើយពេលនេះ សុខភាពរបស់ខ្ញុំក៏បានបន្តឈានទៅធូរស្រាលយ៉ាងច្រើនផងដែរ ។ យ៉ាងណាក៏ដោយ ការយកឈ្នះនាង Cornet លើកនេះមិនមែនជារឿងងាយស្រួលទេ ។ ខ្ញុំសូមថ្លែងអំណរគុណដល់គ្រួសារ ជាពិសេសប្អូនស្រីស៊េរីណាដែលតែងតែជួយលើកទឹកចិត្តដល់ខ្ញុំ»។
ចំណែកនាង Cornet វិញបានថ្លែងថា ៖ «ខ្ញុំគិតថា សិតទី១ ពិតជាសំខាន់ខ្លាំងណាស់ ហើយនោះក៏ជាមូលហេតុដែលនាំឱ្យខ្ញុំមានការរំជួលចិត្ត ។ ខ្ញុំពិតជាចង់ធ្វើឱ្យល្អប្រសើរជាងនេះ»។ នាងបានបន្ថែមថា ៖ «អ្នកដឹងទេ ខ្ញុំជានិច្ចកាលគឺចង់ធ្វើឱ្យបានល្អបំផុតក្នុងវគ្គផ្តាច់ព្រ័ត្រ ។ តាមពិតទៅ ពិន្ទុដែលខ្ញុំទទួលបានពិតជាពិបាកឱ្យខ្ញុំបញ្ចប់សប្តាហ៍ក្នុងនាមជាអ្នកឈ្នះខ្លាំងណាស់»៕
ចែករំលែកព័តមាននេះ