បន្ទាប់ពីធ្វើមិនបានសម្រេចទៅតាមកាលកំណត់របស់ FIFA ដែលបានដាក់ឱសានវាទត្រឹមថ្ងៃទី៣១ ធ្នូ ២០១៣ ឱ្យគណៈកម្មការទទួលបន្ទុកការងារសាងសង់ពហុកីឡដ្ឋាន Baixada ឱ្យរួចរាល់ ក្រុមប្រឹក្សាបាល់ទាត់ពិភពលោក បានព្យួរសិទ្ធិពហុកីឡដ្ឋានមួយនេះមិនឱ្យទទួលការប្រកួតបាល់ទាត់ពិភពលោកដែលនឹងប្រព្រឹត្តទៅនៅថ្ងៃ ទី១៤ មិថុនា ឆ្នាំ២០១៤ ខាងមុខ ។
បន្ទាប់ពីធ្វើមិនបានសម្រេចទៅតាមកាលកំណត់របស់ FIFA ដែលបានដាក់ឱសានវាទត្រឹមថ្ងៃទី៣១ ធ្នូ ២០១៣ ឱ្យគណៈកម្មការទទួលបន្ទុកការងារសាងសង់ពហុកីឡដ្ឋាន Baixada ឱ្យរួចរាល់ ក្រុមប្រឹក្សាបាល់ទាត់ពិភពលោក បានព្យួរសិទ្ធិពហុកីឡដ្ឋានមួយនេះមិនឱ្យទទួលការប្រកួតបាល់ទាត់ពិភពលោកដែលនឹងប្រព្រឹត្តទៅនៅថ្ងៃ ទី១៤ មិថុនា ឆ្នាំ២០១៤ ខាងមុខ ។
ទោះជាយ៉ាងណាក្តី កាលពីថ្ងៃអង្គារ ទី១៨ កុម្ភៈ កន្លងទៅនេះសហព័ន្ធបាល់ទាត់អន្តរជាតិ FIFA បានផ្លាស់ប្តូរចិត្តដោយផ្តល់សិទ្ធិឱ្យពហុកីឡដ្ឋាន Baixada ទទួលការប្រកួតឡើងវិញ តែបានព្រមានខ្លាំងៗថា ត្រូវតែពន្លឿនការសាងសង់ឱ្យបានរហ័សបំផុតតាមដែលអាចធ្វើទៅបាន ។
ដោយសារតែមានការព្រមានធ្ងន់ៗពី FIFA គណៈកម្មការសាងសង់បានបង្ហើបឱ្យដឹងថា ពហុកីឡដ្ឋានមួយនេះអាចរួចរាល់ត្រឹមថ្ងៃ ទី១៥ ឧសភា ឆ្នាំនេះ គឺរយៈពេល១ខែមុនការប្រកួត ។ បច្ចុប្បន្ន ពហុកីឡដ្ឋាននេះកំពុងប្រើប្រាស់កម្មករជាង១.៥០០នាក់ ដើម្បីសម្រុកការងារឱ្យហើយទាន់ពេលកំណត់ ។
គួររំឭកថា ពហុកីឡដ្ឋាន Baixada បានកសាងឡើងតាំងពីឆ្នាំ១៩៩៧ និងបើកឱ្យប្រើប្រាស់ក្នុងឆ្នាំ១៩៩៩ លើផ្ទៃដី ១០៥x៦៨ ម៉ែត្រក្រឡា ហើយបច្ចុប្បន្នកំពុងជួសជុលកែលម្អ និងពង្រីកឡើងវិញដើម្បីទទួលទស្សនិកជនជាង៤មុឺននាក់ ដែលពីមុនអាចផ្ទុកទស្សនិកជនបានត្រឹមតែជាង៣មុឺននាក់ប៉ុណ្ណោះ ៕
ចែករំលែកព័តមាននេះ