ខេត្តកំពង់ធំ ៖ បុរសជនសង្ស័យម្នាក់ជាប់ពាក់ព័ន្ធករណីអំពើចោរកម្មលួចគៀងក្របីប្រជាពលរដ្ឋ ចំនួន ២២ក្បាល ត្រូវបានសមត្ថកិច្ចនគរបាលស្រុកបារាយណ៍ ចាប់វាយខ្នោះ កាលពីវេលាម៉ោង ៣ និង ៤៥នាទី រសៀលថ្ងីទី១៨ កុម្ភៈ ២០១៤។
ខេត្តកំពង់ធំ ៖ បុរសជនសង្ស័យម្នាក់ជាប់ពាក់ព័ន្ធករណីអំពើចោរកម្មលួចគៀងក្របីប្រជាពលរដ្ឋ ចំនួន ២២ក្បាល ត្រូវបានសមត្ថកិច្ចនគរបាលស្រុកបារាយណ៍ ចាប់វាយខ្នោះ កាលពីវេលាម៉ោង ៣ និង ៤៥នាទី រសៀលថ្ងីទី១៨ កុម្ភៈ ២០១៤។
លោកវរសេនីយ៍ សួង ថេន អធិការនគរបាលស្រុកបារាយណ៍ បានឲ្យដឹងថា ដោយបានទទួលបានព័ត៌មានពីប្រជាពលរដ្ឋរាយការណ៍មកថា មានចោរលួចគៀងក្របីប្រជាពលរដ្ឋ រូបលោកបានសុំបទបញ្ជាពី ឯកឧត្តម ឧត្តមសេនីយ៍ត្រី ផាន់ សុផេង ស្នងការ នៃស្នងការដ្ឋាននគរបាលខេត្តកំពង់ធំ ឲ្យកម្លាំងចុះតាមចាប់មុខសញ្ញាចោរគៀងក្របីប្រជាពលរដ្ឋ ចំនួន ២២ក្បាល ក្នុងគោលបំណងចូលទៅកាន់ទឹកដីខេត្តកំពង់ចាម។
បន្ទាប់ពីបែកការណ៍ នៅពេលដឹងថា ប៉ូលិសដេញតាមនោះ ជនសង្ស័យបានរត់ចុះទៅពួនសម្ងំនៅក្នុងបឹងកំប្លោក ១កន្លែង ស្ថិតនៅតំបន់អូរស្វាយ ក្នុងភូមិពពេជ ឃុំចុងដូង ស្រុកបារាយណ៍ អស់រយៈពេលជាង ១ម៉ោង ទ្រាំនឹងភាពរមាស់លែងបានទើបឡើងលើគោក ក៏ត្រូវសមត្ថកិច្ចចាប់បានវាយខ្នោះ។
នៅចំពោះមុខសមត្ថកិច្ច ជនស្ស័យបានសារភាពថា ខ្លួនឈ្មោះ ឃឹម រឿន ភេទប្រុស អាយុ ៣៧ឆ្នាំ រស់នៅភូមិស្លាកែត ឃុំក្រវ៉ា ស្រុកបារាយណ៍ ពិតជាបានធ្វើសកម្មភាពលួចគៀងក្របីប្រជាពលរដ្ឋទាំងធំទាំងតូច ចំនួន ២២ក្បាល ដើម្បីយកទៅកាន់ខេត្តកំពង់ចាមលក់ តែត្រូវបែកការណ៍ ទើបត្រូវជាប់ខ្នោះរបៀបនេះ។បន្ទាប់ពីចាប់ខ្លួន ជនសង្ស័យត្រូវសមត្ថកិច្ចកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តកំពង់ធំ ចាត់ការទៅតាមច្បាប់៕
ចែករំលែកព័តមាននេះ