រាជធានីភ្នំពេញ៖ ឆ្លៀតឱកាសជិតបុណ្យបិណ្ឌភ្ជុំ មានប្រជាពលរដ្ឋច្រើនបានដើរផ្សារដើម្បីទិញអីវ៉ាន់ ស្រាប់តែមានស្ត្រីជាជនសង្ស័យម្នាក់បន្លំលួចសម្ភារៈរបស់ប្រជាពលរដ្ឋដែលដើរផ្សារ ដើម្បីទិញសម្ភារៈទុកទៅវត្ត ហើយត្រូវកម្លាំងសន្តិសុខផ្សារឃាត់ខ្លួនបាន។ ហេតុការណ៍នេះបានកើតឡើងនៅវេលាម៉ោង ២រសៀលថ្ងៃទី៨ ខែកញ្ញា ឆ្នាំ២០២៥…
រាជធានីភ្នំពេញ៖ ឆ្លៀតឱកាសជិតបុណ្យបិណ្ឌភ្ជុំ មានប្រជាពលរដ្ឋច្រើនបានដើរផ្សារដើម្បីទិញអីវ៉ាន់ ស្រាប់តែមានស្ត្រីជាជនសង្ស័យម្នាក់បន្លំលួចសម្ភារៈរបស់ប្រជាពលរដ្ឋដែលដើរផ្សារ ដើម្បីទិញសម្ភារៈទុកទៅវត្ត ហើយត្រូវកម្លាំងសន្តិសុខផ្សារឃាត់ខ្លួនបាន។
ហេតុការណ៍នេះបានកើតឡើងនៅវេលាម៉ោង ២រសៀលថ្ងៃទី៨ ខែកញ្ញា ឆ្នាំ២០២៥ ស្ថិតក្នុងបរិវេណផ្សារអូឬស្សី មណ្ឌល៣ ជាន់ទី១ លេខតូប (គ១៧) មូលដ្ឋានសង្កាត់ផ្សារអូឬស្សីទី១ ខណ្ឌ៧មករា រាជធានីភ្នំពេញ ។
ស្ត្រីជាជនសង្ស័យឈ្មោះ គង់ ច័ន្ទស្រីនេត អាយុ៣៤ឆ្នាំ មានទីលំនៅសង្កាត់បឹងកកទី២ ខណ្ឌទួលគោក រាជធានីភ្នំពេញ។
បើតាមការបញ្ជាក់ពីសន្តិសុខផ្សារបានឲ្យដឹងថា នៅថ្ងៃទី៨ កញ្ញានេះ គឺជាថ្ងៃបិណ្ឌ ១ មានបងប្អូនប្រជាពលរដ្ឋ បានសម្រុកមកផ្សារយ៉ាងច្រើន ដូច្នេះហើយកម្លាំងសន្តិសុខរបស់គណៈកម្មការផ្សារ ដោយមានការណែនាំពីប្រធានគណៈកម្មការផ្សារ ឲ្យដើរល្បាតគ្រប់ចក្រចេញចូលផ្សារ ដើម្បីធានាសុខសុវត្តិភាព សណ្ដាប់ធ្នាប់ ជូនបងប្អូនប្រជាពលរដ្ឋ ។ ស្រាប់តែនៅវេលាម៉ោង២រសៀល មានករណីស្ត្រីជាជនសង្ស័យម្នាក់បានលួចអីវ៉ាន់របស់បងប្អូនប្រជាពលរដ្ឋដែលជាអ្នកដើរផ្សារ នៅមណ្ឌល៣ ជាន់ទី១ លេខតូប (គ១៧) ត្រូវបានកម្លាំងសន្តិសុខធ្វើការអន្ដរាគមន៍ទាន់ពេលវេលា និងបានឃាត់ខ្លួនស្ត្រីសង្ស័យរូបនោះ ប្រគល់ជូនកម្លាំងនគរបាលប៉ុស្តិ៍រដ្ឋបាលផ្សារអូឬស្សីទី១ ដើម្បីសួរនាំ ។
បច្ចុប្បន្ន ស្ត្រីសង្ស័យខាងលើ ត្រូវបានកម្លាំងប៉ុសន្ដ៍នគរបាលរដ្ឋបាលអូរឬស្សីទី១ សាកសួរនាំខ្លួនទៅអធិការដ្ឋាននគរបាលខណ្ឌ៧មករាដើម្បីអនុវត្តតាមនីតិវិធី៕
ចែករំលែកព័តមាននេះ