រាជធានីភ្នំពេញ ៖ ស្ត្រីម្នាក់មិនដឹងជាមានវិបត្តិអ្វី យកកូនកាំបិតចិត្តបន្លែ ចាក់លើខ្លួនឯងជាច្រើនកាំបិត នៅកន្លែងទទួលភ្ញៀវ ផ្នែកខាងក្រៅមន្ទីរពេទ្យកុមារគន្ធបុប្ផា ត្រូវបានសន្តិសុខទាក់ទងហៅរថយន្តបញ្ជូនទៅកាន់មន្ទីរពេទ្យអង្គឌួង ដើម្បីសង្គ្រោះ ។…
រាជធានីភ្នំពេញ ៖ ស្ត្រីម្នាក់មិនដឹងជាមានវិបត្តិអ្វី យកកូនកាំបិតចិត្តបន្លែ ចាក់លើខ្លួនឯងជាច្រើនកាំបិត នៅកន្លែងទទួលភ្ញៀវ ផ្នែកខាងក្រៅមន្ទីរពេទ្យកុមារគន្ធបុប្ផា ត្រូវបានសន្តិសុខទាក់ទងហៅរថយន្តបញ្ជូនទៅកាន់មន្ទីរពេទ្យអង្គឌួង ដើម្បីសង្គ្រោះ ។
ហេតុការណ៍នេះបានកើតឡើងកាលវេលាម៉ោង១០និង៣០នាទីព្រឹកថ្ងៃទី០៤ ខែកញ្ញា ឆ្នាំ២០២៥ នៅចំណុចមន្ទីពេទ្យកុមារគន្ធបុប្ជា (ក្បែរវត្តភ្នំ) តាមផ្លូវ៤៧ ស្ថិតនៅសង្កាត់ ស្រះចក ខណ្ឌដូនពេញ រាជធានីភ្នំពេញ ។
ស្ត្រីរូបនោះ ពុំត្រូវគេស្គាល់អត្តសញ្ញាណឡើយ មានអាយុប្រមាណជាង៣០ឆ្នាំ បានរងរបួសធ្ងន់ធ្ងរ ត្រូវបានរថយន្តបញ្ជូនទៅសង្គ្រោះ ។
តាមប្រជាពលរដ្ឋ ដែលអង្គុយនៅលើកៅអីទទួលភ្ញៀវរបស់មន្ទីរពេទ្យកុមារគន្ធបុប្ផា បានឲ្យដឹងថា នៅពីលាព្រឹកនោះ គេឃើញស្ត្រីរូបនោះ មកអង្គុយនៅលើកៅអីទទួលភ្ញៀវនោះ ហើយបានយកកូនកាំបិតមកចាក់ខ្លួនឯង ជាច្រើនកាំបិតបណ្ដាលឲ្យរងរបួស ហើយដេកដួលទៅលើកដី នៅក្បែរកៅអីទទួលភ្ញៀវរបស់មន្ទីរពេទ្យ។ ភ្លាមៗ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ ដែលនាំកូនចៅទៅមន្ទីរពេទ្យ និងសន្តិសុខ ហើយក៏បានរាយការណ៍ទៅអាជ្ញាធរមានសមត្ថកិច្ច ឲ្យជួយហៅរថយន្តបញ្ជូនទៅសង្គ្រោះនៅមន្ទីរពេទ្យអង្គឌួង ។
ពាក់ព័ន្ធបញ្ហានេះ គេពុំទាន់ដឹងថា ស្ត្រីរូបនោះមានវិបត្តិអ្វីឡើយ ទើបសម្រេចចិត្តចាក់ខ្លួនឯងបែបនេះ បណ្តាលអោយរងរបួសធ្ងន់បែបនេះ ៕
ចែករំលែកព័តមាននេះ