វិនិយោគផ្ទាល់បរទេស(FDI)នៅក្នុងប្រទេសចិនបានកើនឡើង១៦,១% កាលពីខែមករា ដោយមានការចាក់បញ្ចូលសាច់ប្រាក់ បន្ថែមពីប្រទេសនានានៅអាស៊ី និងអាមេរិកនេះបើយោងតាមរដ្ឋាភិបាលដែលបាននិយាយកាលពីថ្ងៃអង្គារ ។ វិនិយោគផ្ទាល់បរទេសដែលមិនរាប់បញ្ចូលវិនិយោគវិស័យហិរញ្ញវត្ថុ សរុបមានចំនួន១០,៨ពាន់លានដុល្លារកាលពីខែមករា នេះបើយោងតាមក្រសួងពា
វិនិយោគផ្ទាល់បរទេស(FDI)នៅក្នុងប្រទេសចិនបានកើនឡើង១៦,១% កាលពីខែមករា ដោយមានការចាក់បញ្ចូលសាច់ប្រាក់ បន្ថែមពីប្រទេសនានានៅអាស៊ី និងអាមេរិកនេះបើយោងតាមរដ្ឋាភិបាលដែលបាននិយាយកាលពីថ្ងៃអង្គារ ។ វិនិយោគផ្ទាល់បរទេសដែលមិនរាប់បញ្ចូលវិនិយោគវិស័យហិរញ្ញវត្ថុ សរុបមានចំនួន១០,៨ពាន់លានដុល្លារកាលពីខែមករា នេះបើយោងតាមក្រសួងពាណិជ្ជកម្ម ។
ដោយឡែកវិនិយោគក្រៅប្រទេសរបស់ចិន បានកើនឡើង៤៧,២%គិតជាទឹកប្រាក់៧,២៣ពាន់លានដុល្លារកាលពីខែមករា ដោយរួមមានកំណើនភាគច្រើនទៅប្រទេសជប៉ុន ដែលរួមរឹតដោយជម្លោះដែនដីដ៏ជូរចត់ជាមួយចិន ។ វិនិយោគទៅកាន់ប្រទេសជប៉ុននេះកើនឡើង៥០០%កាលពីខែមករា បើធៀបនឹងរយៈពេលដូចគ្នាកាលពីឆ្នាំ២០១៣ ។
បើនិយាយពីទំហំសមាមាត្រនៃវិនិយោគចូលមកក្នុងប្រទេសចិនគឺភាគច្រើនចេញមកពីក្រុមប្រទេសអាស៊ានទាំង១០ប្រទេស និងក្នុងតំបន់រួមមាន ហុងកុង តៃវ៉ាន់ ជប៉ុន ថៃ និងសិង្ហបុរី ។ FDIពីប្រទេសទាំងនោះបានកើនឡើង២២,២% គិតជាទឹកប្រាក់៩,៥៥ពាន់លានដុល្លារ ។ ជាមួយគ្នានេះដែរវិនិយោគិនអាមេរិកបានវិនិយោគជាទឹកប្រាក់ចំនួន៣៦៩លានដុល្លារនៅក្នុងប្រទេសចិនកាលពីខែមករា កើនឡើង៣៤,៩% ។
លោក Shen Danyang អ្នកនាំពាក្យក្រសួងពាណិជ្ជកម្មនិយាយថា វិនិយោគពីប្រទេសអាសា៊នទាំង១០ និងប្រទេសក្នុងតំបន់ ព្រមទាំងអាមេរិកនៅតែរក្សាបានស្ថិរភាព និងកំណើនឆាប់រហ័ស ។ លោកShenបន្ថែមថា យើងរំពឹងថាFDIនឹងរក្សាបានសន្ទុះកំណើនល្អនៅក្នុងឆ្នាំនេះ ។ កំណើនពីរខ្ទង់កាលពីខែមករា បានបង្ហាញថា វិនិយោគិននៅតែមានទំនុកចិត្តចំពោះទស្សនវិស័យសេដ្ឋកិច្ចរបស់ចិន ។ កំណើននាពេលនេះភាគច្រើនកើតចេញពីការវិនិយោគវិស័យសេវាកម្ម ៕
ចែករំលែកព័តមាននេះ