រាជធានីភ្នំពេញ៖ យោងតាមរបាយការណ៏ប្រចំាឆ្នាំរបស់ក្រសួងមហាផ្ទៃបានបង្ហាញថា បទល្មើសព្រហ្មទណ្ឌរួមក្នុងឆ្នាំ២០១៣ កើតឡើងចំនួន២៧១៦លើក កើនឡើង២៧លើកបើប្រៀបធៀបទៅនឹងរយៈពេលដូចគ្នាកាលពីឆ្នាំ២០១២ ។
យ៉ាងណាក៏ដោយរបាយការណ៏ក៏បានបង្ហញាដែរថា បទឧក្រិដ្ឋនៅក្នុងឆ្នាំ២០១៣ បានកើតឡើង៧៩០លើក ថយចុះ៤៨លើក ស្មើនឹង៦% ក្នុងនោះករណីឃាតក.ម្មថយចុះ ៥៦លើក ស្មើនឹង១៩%
រាជធានីភ្នំពេញ៖ យោងតាមរបាយការណ៏ប្រចំាឆ្នាំរបស់ក្រសួងមហាផ្ទៃបានបង្ហាញថា បទល្មើសព្រហ្មទណ្ឌរួមក្នុងឆ្នាំ២០១៣ កើតឡើងចំនួន២៧១៦លើក កើនឡើង២៧លើកបើប្រៀបធៀបទៅនឹងរយៈពេលដូចគ្នាកាលពីឆ្នាំ២០១២ ។
យ៉ាងណាក៏ដោយរបាយការណ៏ក៏បានបង្ហញាដែរថា បទឧក្រិដ្ឋនៅក្នុងឆ្នាំ២០១៣ បានកើតឡើង៧៩០លើក ថយចុះ៤៨លើក ស្មើនឹង៦% ក្នុងនោះករណីឃាតកម្មថយចុះ ៥៦លើក ស្មើនឹង១៩% រំលោភសេពសន្ថវៈថយចុះ ៦៤លើក ស្មើនឹង២៣% ប៉ុន្តែបទល្មើសប្លន់កើនឡើង៧៥លើក ស្មើនឹង៣១% ។
ចំណែកបទល្មើសមជ្ឈឹមក្នុងឆ្នាំ២០១៣ បានកើតឡើង១៩២៦លើក កើនឡើង៧៥លើក ស្មើនឹង៤% សភាពការណ៏បទល្មើសមានការប្រែប្រួលស្មុគ្រស្មាញ ជាពិសេសអំពើលួចនិងប្លន់ ។
របាយការណ៏ដដែលបានបង្ហាញទៀតថា រាជធានីភ្នំពេញ ខេត្តព្រះវិហារ មណ្ឌលគិរី និង ខេត្តកោះកុង បាននំាមុខខាងកំណើនបទល្មើសព្រហ្មទណ្ឌក្នុងឆ្នាំ២០១៣ ដោយហេតុផលនយោបាយ និងកំណើននៃការចេញចូលរបស់ប្រជាពលរដ្ឋនិងអ្នកទេសចរ ហើយជនប្រព្រឹត្តបទល្មើសនិងមុខសញ្ញាសង្ស័យ ភាគច្រើនបំផុតជាអ្នកផុតអាជ្ញាយុកាលពិរុទ្ឋ ហើយត្រូវបានដោះលែង និងអ្នកដែលគ្មានមុខរបរពិតបា្រកដ ជាប់ពាក់ព័ន្ឋនឹងការសេពគ្រឿងញៀន និងការលេងល្បែងស៊ីសងក្នុងការស៊ីណូ និង មានអាយុក្រោម៣០ឆ្នាំ ។
ជាងនេះទៀត ភាពធូររលុងនៃការគ្រប់គ្រងមុខសញ្ញានិងការគ្រប់គ្រងទីផ្សារចោរកម្ម បានបង្កលក្ខណៈឲ្យជនល្មើសទៅធ្វើសកម្មភាពបាន និងមានទីផ្សារសម្រាប់ទិញ លក់ផលចោរកម្ម ។
ម្យ៉ាងទៀត អាស្រ័យដោយការប្រមូលផ្តុំកម្លំាង ដើម្បីរក្សាការពារសន្តិសុខ នយោបាយ និងរក្សាសណ្តាប់ធ្នាប់សាធារណៈ ជនល្មើសបានឆ្លៀតឱកាសនេះបង្កើនសកម្មភាពលួច ប្លន់ ពិសេសនៅរាជធានីភ្នំពេញ ៕
ចែករំលែកព័តមាននេះ