កំពូលកីឡាករជប៉ុន Kei Nishikori រក្សាបាននូវពានជើងឯកវាយកូនបាល់កម្មវិធី ATP US Indoor Championships របស់ខ្លួនបន្តសម្រាប់រដូវកាលថ្មីឆ្នាំ២០១៤ បន្ទាប់ពីបានបំបាក់កីឡាករក្រូអាស៊ី Ivo Karlovic ក្នុងវគ្គផ្តាច់ព្រ័ត្រកាលពីថ្ងៃអាទិត្យ ទី១៦ កុម្ភៈ ។
នៅលើទីលានប្រកួតស្ថិតក្នុងទីក្រុង Memphis សហរដ្ឋអាមេរិក Nishikori បានយកឈ្នះKarlovic ក្នុងលទ្ធផល៦-៤ និង៧-៦ និង
កំពូលកីឡាករជប៉ុន Kei Nishikori រក្សាបាននូវពានជើងឯកវាយកូនបាល់កម្មវិធី ATP US Indoor Championships របស់ខ្លួនបន្តសម្រាប់រដូវកាលថ្មីឆ្នាំ២០១៤ បន្ទាប់ពីបានបំបាក់កីឡាករក្រូអាស៊ី Ivo Karlovic ក្នុងវគ្គផ្តាច់ព្រ័ត្រកាលពីថ្ងៃអាទិត្យ ទី១៦ កុម្ភៈ ។
នៅលើទីលានប្រកួតស្ថិតក្នុងទីក្រុង Memphis សហរដ្ឋអាមេរិក Nishikori បានយកឈ្នះKarlovic ក្នុងលទ្ធផល៦-៤ និង៧-៦ និងទទួលបានប្រាក់រង្វាន់ជាង១០ម៉ឺនដុល្លារ ។
នេះជាលើកទី២ហើយដែលកីឡាករវ័យ២៤ឆ្នាំរូបនេះឈ្នះជើងឯកកម្មវិធីមួយនេះ ។ ជ័យជម្នះលើកទី១ កើតមានកាលពីឆ្នាំទៅមិញ ។ ដោយឡែក បើគិតក្នុងសមាគម ATP Tour វិញនេះជាពានលើកទី៤ របស់គេហើយ ។ កីឡាករលំដាប់ទី១៥ ពិភពលោករូបនេះបាននិយាយថា ៖ «វាពិតជាមិនគួរឱ្យជឿ។ វាជារឿងដ៏ល្អបំផុតដែលបានវិលត្រឡប់មកជួបជាមួយហ្វូងមនុស្សដ៏ច្រើនកុះករនៅទីនេះជាថ្មីម្តងទៀត។ ខ្ញុំជានិច្ចកាលចូលចិត្តបរិយាកាសនៅទីនេះជាពិសេសអ្នកគាំទ្រ» ។ គេបានបន្ថែមថា ៖ «ខ្ញុំភ្ញាក់ផ្អើលជាខ្លាំងដែលអាចបន្តគ្រប់គ្រងពានជើងឯក ។ ខ្ញុំមិនធ្លាប់បានប្រកួតការពារជើងឯកដូច្នេះទេពីមុនមក»។
សម្រាប់កីឡាករ Karlovic នេះជាលើកទី១ហើយដែលរូបគេបរាជ័យក្រោមថ្វីដៃ Nishikori នៅក្នុងការជួបគ្នាចំនួន៣លើក ។
ចំណែកនៅទីក្រុង Rotterdam ប្រទេសហូឡង់ កីឡាករឆែក Tomas Berdych បានយកឈ្នះជើងឯកកម្មវិធី ABN Amro World Tennis Tournament បន្ទាប់ពីបំបាក់កីឡាករក្រូអាស៊ី Marin Cilic ក្នុងលទ្ធផល៦-៤ និង៦-២ ។ នេះគឺជាពានសមាគម ATP Tour លើកទី៩របស់គេហើយនៅក្នុងអាជីព ។
គិតចាប់តាំងពីខែតុលា ឆ្នាំ២០១២ មក នេះជាលើកទី១ ហើយដែលរូបគេទទួលបានឱកាសលើកពានជើងឯក។គេបានបញ្ជាក់ថា ៖ «នេះជាឱកាសយ៉ាងពិសេសបំផុត ។ ប្រសិនមានអ្នកណាប្រាប់ខ្ញុំថា ខ្ញុំឈ្នះពាននេះនៅថ្ងៃប្រកួតដំបូងនោះ ខ្ញុំប្រហែលជាមិនជឿឡើយ។ និយាយរួមមក ខ្ញុំពិតជាសប្បាយរកអ្វីផ្ទឹមពុំបាន និងមានមោទនភាពជាខ្លាំងចំពោះពានជើងឯកនេះ» ៕
ចែករំលែកព័តមាននេះ