ខេត្តកំពង់ឆ្នាំង ៖ បុរសជនជាតិវៀតណាម ចំនួន ២នាក់ ត្រូវបានសមត្ថកិច្ច និងសហគមន៍នេសាទចាប់ខ្លួន ខណៈដែលពួកគេកំពុងធ្វើសកម្មភាពលួចឆក់ត្រីក្នុងតំបន់អភិរក្សអតីតឡូត៍នេសាទលេខ១២ ស្ថិតក្នុងភូមិថ្មី ឃុំកំពង់អុស ស្រុកជលគីរី។ ហេតុការណ៍ចាប់ខ្លួននេះ បានធ្វើឡើងនៅវេលាម៉ោង ១០ព្រឹក ថ្ងៃទី១៧ កុម្ភៈ ២០១៤។
ខេត្តកំពង់ឆ្នាំង ៖ បុរសជនជាតិវៀតណាម ចំនួន ២នាក់ ត្រូវបានសមត្ថកិច្ច និងសហគមន៍នេសាទចាប់ខ្លួន ខណៈដែលពួកគេកំពុងធ្វើសកម្មភាពលួចឆក់ត្រីក្នុងតំបន់អភិរក្សអតីតឡូត៍នេសាទលេខ១២ ស្ថិតក្នុងភូមិថ្មី ឃុំកំពង់អុស ស្រុកជលគីរី។ ហេតុការណ៍ចាប់ខ្លួននេះ បានធ្វើឡើងនៅវេលាម៉ោង ១០ព្រឹក ថ្ងៃទី១៧ កុម្ភៈ ២០១៤។
មន្ត្រីខណ្ឌរដ្ឋបាលជលផលកំពង់ឆ្នាំង បានឲ្យដឹងថា ជនល្មើសទាំង ២នាក់ ១.ឈ្មោះ ចាំង យ៉ាំងទឹង អាយុ ៣៧ឆ្នាំ និង ២.ឈ្មោះ ម៉ម យ៉ាំងលុង អាយុ ២៥ឆ្នាំ ទាំង ២នាក់ រស់នៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង។
មុនពេលចាប់ខ្លួន សហគមន៍នេសាទ និងសមត្ថកិច្ចជលផល បានចេញល្បាតក្នុងតំបន់អភិរក្ស ដែលខ្លួនការពារ ក៏បានប្រទះឃើញជនល្មើសទាំង ២នាក់ កំពុងឆក់ត្រី ពេលនោះ មន្រ្តីសហគមន៍ និងសមត្ថកិច្ច ក៏បាននាំគ្នាព័ទ្ធចាប់ខ្លួនពួកគេបានតែម្តង។ មន្ត្រីជំនាញ ក៏បានរឹបអូសសម្ភារល្មើស រួមមាន ទូកប្រវែង ៨ម៉ែត្រ ទទឹង ១,០៣ម៉ែត្រ ជម្រៅ ០,៦០ម៉ែត្រ ភ្ជាប់ម៉ាស៊ីនម៉ាកកេនបូ កម្លាំង ១៨សេះ ១គ្រឿង អាំងវ៉ិចទ័រឆក់ ១គ្រឿង អាគុយ ៧០អំពែ ១គ្រឿង ខ្សែហ្រ្វាំងកង់ ២០សរសៃ ត្រីឆ្លាំងចំនួន ៣,៣០គីឡូ និងកន្រ្តងសម្រាប់ដងត្រីចំនួន២។
ជនល្មើស និងវត្ថុតាង ត្រូវបានសមត្ថកិច្ចជំនាញកសាងសំណុំរឿងតាមនីតិវិធី ដើម្បីបញ្ជូនខ្លួនទៅកាន់សាលាដំបូងខេត្តកំពង់ឆ្នាំង នៅល្ងាចថ្ងៃទី១៧ កុម្ភៈ នេះ ដើម្បីផ្តន្ទាទោសតាមច្បាប់។តាមប្រភពពីមន្ត្រីកងរាជអាវុធហត្ថខេត្តម្នាក់ បាននិយាយថា សព្វថ្ងៃនេះ មានជួបការលំបាកក្នុងការបង្រ្កាបបទល្មើសឆក់ត្រីក្នុងដែនអភិរក្សជាខ្លាំង ព្រោះជនល្មើសភាគច្រើនជាជនជាតិវៀតណាម បានប្រើទូកបាឡាជ័រ និងបំពាក់ម៉ាស៊ីនមានល្បឿនលឿន។
ពួកគេទាំងនោះ បានធ្វើសកម្មភាពឆក់នៅពេលយប់នៅចំណុចខាងលើ ពេលជួបសមត្ថកិច្ច គឺគេបញ្ឆេះម៉ាស៊ីនតែមួយង៉ោងរត់បាត់តាមមិនទាន់ឡើយ ហើយសកម្មភាពបែបនេះ ក៏កើតមានតាមតំបន់អភិរក្សមួយចំនួនផងដែរ៕
ចែករំលែកព័តមាននេះ