រាជធានិភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៏ថា ពីពេលនេះទៅការបើកបា្រក់ខែរបស់មន្រ្តីរាជការកំណត់ឲ្យរដ្ឋមន្រ្តីរបស់ក្រសួងស្ថាប័ន ត្រូវមានការទទួលខុសត្រូវ ។ សម្តេចបន្តថា អ្នកនំាមុខគឺក្រសួងមុខងារសាធារណៈនិងក្រសួងសេដ្ឋកិច្ចនិងហិរញ្ញវត្ថុ បន្ទាប់ទៅបញ្ចូនឯកសារត្រូវចុះហត្ថលេខារដ្ឋមន្រ្តី បើរដ្ឋមន្រ្តីមិននៅ ត្រូវផ្ទេសិទ្ឋិឲ្យស្តីទីចុះហត្ថលេខាដើម្បីឲ្យដឹងថា បា្រក់ខែរបស់មន្រ្តីរាជការ ដាច់ខែត្រូវបើកឲ្យបានតែម្តង ។
សម្តេចនាយករដ្ឋមន្រ្តីហ៊ុន សែន ថ្លែងបែបនេះនៅព្រឹកថ្ងៃទី១៧ កុម្ភៈ ២០១៤ ក្នុងឱកាសដែលសម្តេចតេជោបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រ ដល់សិស្សមន្រ្តីជាន់ខ្ពស់ជំនាន់កំណែទម្រង់រដ្ឋ សិស្សមន្រ្តីក្រមការជំនាន់ភក្តីភាព និង វិញ្ញាបនបត្រដល់កម្មសិក្សាការីមន្រ្តីជាន់ខ្ពស់-មន្រ្តីមធ្យមឆ្នាំ២០១៣ ព្រមទំាងបើកវគ្គបណ្តុះបណ្តាល និងវិក្រឹតការឆ្នាំ២០១៤ នៅវិទ្យាស្ថានជាតិអប់រំ ។
សម្តេច ហ៊ុន សែន បានអំពាវនាវឲ្យមន្រ្តីរាជការបណ្តាក្រសួងស្ថាប័ននានា ” បើសិនជាបា្រក់ខែក្របើក នៅយូរ សូមឲ្យចុះប្រកាសតាមកាសែតថា រដ្ឋមន្រ្តីរបស់ខ្ញុំគាត់អាងតែគាត់ឆ្អែតហើយ គាត់អត់គិតដល់មន្រ្តីរាជការតូចតាច ដែលមានបា្រក់ខែតិច ” ។
ទាក់ទិនទៅនឹងការបើកបា្រក់ខែនេះដែរ សម្តេចនាយករដ្ឋមន្រ្តី ហ៊ុន សែន បានបញ្ជាក់ជាថ្មីទៀតថា ថ្ងៃក្រោយរាជរដ្ឋាភិបាល នឹងជំរុញឲ្យមន្រ្តីរាជការទំាងអស់ បើកបា្រក់ខែនៅតាមធនាគារទំាងអស់ ចៀសវាងកាត់អ្វីផ្សេងៗ ។ សម្តេចបន្តថា ” បើកតាមធនាគារ ខ្មោចវាអត់ចេះមកបើកបា្រក់ខែទេ ដូច្នេះមិនចំបាច់ស្វែងរកមន្រ្តីខ្មោច ទាហានខ្មោច ប៉ូលិសខ្មោច ….ខ្មោចអត់កាន់សៀវភៅទៅទេ ត្រូវកំណែទម្រង់ ” ៕
ចែករំលែកព័តមាននេះ