រាជធានីភ្នំពេញ ៖ យុវជន១ក្រុមជិត១០០នាក់ម៉ូតូរាប់សិបគ្រឿងនាំគ្នាប្រមូលផ្ដុំគ្នាអង្គុយជជែកលេងមិនចូលព្រមចូលដេកពួន ត្រូវបានសមត្ថកិច្ចចំរុះនិងកម្លាំងសន្តិសុខទីក្រុងកោះពេជ្រ ឃាត់ និងអប់រំណែនាំកុំអោយដើរយប់ ។ ករណីខាងលើនេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី០៦ ខែ កញ្ញា…
រាជធានីភ្នំពេញ ៖ យុវជន១ក្រុមជិត១០០នាក់ម៉ូតូរាប់សិបគ្រឿងនាំគ្នាប្រមូលផ្ដុំគ្នាអង្គុយជជែកលេងមិនចូលព្រមចូលដេកពួន ត្រូវបានសមត្ថកិច្ចចំរុះនិងកម្លាំងសន្តិសុខទីក្រុងកោះពេជ្រ ឃាត់ និងអប់រំណែនាំកុំអោយដើរយប់ ។
ករណីខាងលើនេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី០៦ ខែ កញ្ញា ឆ្នាំ ២០២៥ ចំណុចគល់ស្ពានភ្លោះបរិវេនកោះពេជ្រ ក្រុម៧៨ ភូមិ១៤ សង្កាត់ ទន្លេបាសាក់ ខណ្ឌចំការមន រាជធានីភ្នំពេញ ។
លោកវរសេនីយ៍ត្រី លៀង សៀវឃាង អធិការរងខណ្ឌចំការមនបានអោយដឹងថា កម្លាំងពង្រឹងការល្បាតក្នុងមូលដ្ឋានពួនស្ទាក់បង្ការបទល្មើសក្មេងទំនើងនិងបានសហការជាមួយកម្លាំងប៉ុស្តិ៍នគរបាលរដ្ឋបាលទាំង៥ប៉ុស្តិ៍និងផ្នែកជំនាញរួមនិងកម្លាំងគណ:បញ្ជាការឯកភាពសាលាខណ្ឌនិងកម្លាំងសន្តិសុខទីក្រុងកោះពេជ្រក៏បានឃើញយុវជនវ័យក្មេងចាប់ពីអាយុ១៤ឆ្នាំទៅដល់២៥ឆ្នាំបានប្រមូលផ្ដុំគ្នាចំនួន៦៧នាក់ម៉ូតូរាប់សិបគ្រឿងអង្គុយលេងជក់បារីធ្វើអោយប៉ះពាល់និងជាទង្វើក្មេងមិនល្អក៏បានធ្វើការណែនាំអប់រំដល់ប្អូនៗទាំងអស់ឲ្យត្រឡប់ទៅផ្ទះវិញព្រោះឪពុកម្តាយរង់ចាំនៅផ្ទះ ។
ដោយឡែកក្រុមក្មេងស្ទាវទាំងនោះបាន និយាយថាពួកគេមកហូបមីឆា ដេកមិនលក់ ចង់ជិះម៉ូតូដើរលេងជាក្រុម ក្នុង១ក្រុមចាប់ពី៥នាក់ឡើងទៅដល់១ក្រុម១០នាក់ ។
បន្ទាប់ពីសមត្ថកិច្ចធ្វើការណែនាំយុវជនទាំងនោះស្ដាប់ការណែនាំទទួលស្គាល់កំហុសនិងបានសន្យាថាមិនអោយសមត្ថកិច្ចឃើញលើកទី២នោះទេហើយឈប់ដើរលេងយប់ទៀតហើយ បើសមត្ថកិច្ចឃើញលើកក្រោយនិងត្រូវអនុវត្តតាមផ្លូវច្បាប់ដូចជាដកហូតម៉ូតូរក្សាទុកបណ្ដោះអាសន្ន រួចក៏បានអោយប្អូនៗត្រលប់ទៅវិញ តែលើកនេះមិនបានដកហូតម៉ូតូនោះទេ ៕
ចែករំលែកព័តមាននេះ