ខេត្តកំពង់ស្ពឺ ៖ ផ្ទះមួយខ្នងដែលគេស្គាល់ថាជាថៅកែ(ឡចម្រាញ់ប្រេងខ្លឹមច័ន្ទ) ត្រូវបានអគ្គីភ័យលេបត្របាក់អស់គ្មានសល់ បើទោះបីជាមានកិច្ចអន្តរាគមន៍ពីកម្លាំងសមត្ថកិច្ចជួយបាញ់ពន្លត់ក៏ដោយ។ ហេតុការណ៍ខាងលើនេះបានកើតឡើងកាលពីវេលាម៉ោង០៥និង១០នាទីល្ងាច ថ្ងៃទី១៩ ខែធ្នូ ឆ្នាំ២០២៥ នៅចំណុចក្នុងភូមិព្រៃស្លឹក…
ខេត្តកំពង់ស្ពឺ ៖ ផ្ទះមួយខ្នងដែលគេស្គាល់ថាជាថៅកែ(ឡចម្រាញ់ប្រេងខ្លឹមច័ន្ទ) ត្រូវបានអគ្គីភ័យលេបត្របាក់អស់គ្មានសល់ បើទោះបីជាមានកិច្ចអន្តរាគមន៍ពីកម្លាំងសមត្ថកិច្ចជួយបាញ់ពន្លត់ក៏ដោយ។
ហេតុការណ៍ខាងលើនេះបានកើតឡើងកាលពីវេលាម៉ោង០៥និង១០នាទីល្ងាច ថ្ងៃទី១៩ ខែធ្នូ ឆ្នាំ២០២៥ នៅចំណុចក្នុងភូមិព្រៃស្លឹក សង្កាត់ច្បារមន ក្រុងច្បារមន ខេត្តកំពង់ស្ពឺ។
សមត្ថកិច្ចក្រុងច្បារមនបានឱ្យដឹងថា ករណីអគ្គិភ័យឆាបឆេះផ្ទះមួយខ្នងមានទំហំ១១ម៉ែត្រគុណនឹង១៧ម៉ែត្រ ធ្វើអំពីថ្ម ដំបូលប្រក់ស័ង្កសី ដែលជាកម្មសិទ្ធ របស់ឈ្មោះ តេង សំអុល ភេទប្រុស អាយុ៥៦ឆ្នាំ និងប្រពន្ធមានឈ្មោះ អៀង ស្រីមុំ អាយុ៥៥ឆ្នាំ រស់នៅភូមិព្រៃស្លឹក សង្កាត់ច្បារមន ក្រុងច្បារមន ខេត្តកំពង់ស្ពឺ។
សមត្ថកិច្ចក្រុងច្បារមនបានឱ្យដឹងបន្តថា ក្នុងហេតុការណ៍ខាងលើ គេឃើញវត្តមានរបស់លោកវរសេនីយ៍ទោ យ័ន្ដ សង្ហារ អធិការនគរបាលក្រុងច្បារមន ដោយបានការបញ្ជាផ្ទាល់ភ្លាមៗ ពី លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ឱ្យរថយន្ដពន្លត់អគ្គិភ័យគ្រប់អធិការដ្ឋាននគរបាលក្រុង/ស្រុក ស្នងការដ្ឋានត្រៀមចេញជួយអន្ដរាគមន៍ ក្នុងនោះលោកអធិការបានចូលរួមផ្ទាល់តាំងពីដំបូងកើតហេតុការប៉ាន់ស្មានបឋម ករណីអគ្គិភ័យអាចបណ្ដាលមកការឆ្លងចរន្ដអគ្គិសនី ក្នុងផ្ទះបាយខាងក្រោយ និងឆេះរាលដាលមកដល់ផ្នែកខាងក្នុងផ្ទះដល់ទីតាំងឡចម្រាញ់ប្រេងខ្លឹមច័ន្ទ និងគំនរអុសឈេីសម្រាប់ដុត ព្រមទាំងប្រេងខ្លឹមច័ន្ទដែលបានចម្រាញ់រួច គណនានៃការខូចខាតរួមមាន ៖ឆេះផ្ទះមួយខ្នងនិងសម្ភារៈក្នុងផ្ទះមួយចំនួនធំ តែមិនបណ្ដាលឱ្យគ្រោះថ្នាក់ដល់អាយុជីវិតមនុស្សសត្វ នោះទេ។
សមត្ថកិច្ចក្រុងច្បារមនបានបន្តទៀតថា នៅក្នុងហេតុការណ៍នោះ គេឃើញវត្តមានលោកអធិការនគរបាលក្រុងច្បារមនកម្លាំងសហការមកពី ស្នងការដ្ឋាននគរបាលខេត្ដកំពង់ស្ពឺ បញ្ជាការដ្ឋានអាវុធហត្ថខេត្ដកំព់ស្ពឺ ម្ចាស់ស្ថានីយ៍ប្រេងឥន្ធនៈយីហោឈុនទ្រី មកពីអធិការដ្ឋាននគរបលក្រុងច្បារមនស្រុកសាមគ្គីមុនីជ័យ អធិការដ្ឋាននគរបាលស្រុកសំរោងទង,ប្រតិបត្ដិការប្រេីប្រាស់រយៈពេលជាង៧ម៉ោងទេីបពន្លត់និងគ្រប់គ្រងបាន។
សមត្ថកិច្ចនៅមិនទាន់អាចវាយតម្លៃទំហំនៃការខូចខាតសម្ភារៈនុងថវិកាបាននៅឡើយនោះទេ។ ជាការចូលរួមសោកស្ដាយជាមួយម្ចាស់ផ្ទះ កត្ដាធំបំផុតគឺមកការឆ្លងចរន្ដអគ្គិសនីជារឿងសំខាន់ចម្បងនិងត្រូវយកចិត្ដទុកដាក់ជាមួយអ្នកជំនាញលើកិច្ចការនេះជាពិសេស ពាក្យចាស់បុរាណលោកពោលថា «ស៊ូលិចទូកកណ្ដាលទន្លេរ កុំឱ្យតែភ្លើងឆេះផ្ទះ» ៕
ចែករំលែកព័តមាននេះ