ខ្សែភាពយន្តចិនរឿង “BlACK-COAL, THIN ICE” កាលពីថ្ងៃទី១៥ កុម្ភៈ ដណ្តើមបានពានរង្វាន់ខ្លាឃ្មុំមាស ជាពានរង្វាន់ផ្តល់ឱ្យដល់ខ្សែភាពយន្តដែលល្អជាងគេបំផុតក្នុងការប្រកួតមហោស្រពខ្សែភាពយន្តលើកទី៦៤ នៅក្រុងប៊ែរឡាំង ។
ខ្សែភាពយន្តចិនរឿង “BlACK-COAL, THIN ICE” កាលពីថ្ងៃទី១៥ កុម្ភៈ ដណ្តើមបានពានរង្វាន់ខ្លាឃ្មុំមាស ជាពានរង្វាន់ផ្តល់ឱ្យដល់ខ្សែភាពយន្តដែលល្អជាងគេបំផុតក្នុងការប្រកួតមហោស្រពខ្សែភាពយន្តលើកទី៦៤ នៅក្រុងប៊ែរឡាំង ។
ខ្សែភាពយន្តនោះរបស់ផលិតករខ្សែភាពយន្តចិនលោក DIAO YINAN ចាប់ផ្តើមតាមរយៈការរកឃើញសាកសពមនុស្សជាច្រើនរយនាក់កាលពីឆ្នាំ១៩៩៩ ។ ៥ឆ្នាំក្រោយមកមានការរកឃើញសាកសពមនុស្សជាច្រើនទៀតដែលត្រូវគេសម្លាប់ដោយអាថ៌កំបាំង ។ ភ្នាក់ងារស៊ើបអង្កេតលោក ZHANG រកឃើញថា ជនរងគ្រោះទាំងអស់នោះជាប់ទាក់ទិននឹងនាង WU ZHIZHEN ជាយុវនារីម្នាក់ធ្វើការជាអ្នកជូតផ្ទះ ដែលអ្នកស៊ើបការណ៍រូបនោះស្រឡាញ់ ។ ថ្ងៃមួយពេលធាតុអាកាសរដូវរងាត្រជាក់ខ្លាំងបំផុត អ្នកសើុបការណ៍រូបនោះរកឃើញសាកសពមនុស្សទាំងនេះ ។
ក្នុងខ្សែភាពយន្តនេះ លោក DIAO YINAN បានរួមបញ្ចូលគ្នានូវរសនិយមនៃខ្សែភាពយន្តដំបូងរបស់លោករឿង “UNIFORM” និងខ្សែភាពយន្តមួយទៀតរបស់លោករឿង “NIGHT TRAIN” ។
ខ្សែភាពយន្តរឿង “BLACK COAL, THIN ICE” ជាខ្សែភាពយន្តមួយក្នុងចំណោមខ្សែភាពយន្ត២០រឿងទៀតដែលចូលរួមប្រកួតដណ្តើមពានរង្វាន់ខ្លាឃ្មុំមាស នៅឯហោស្រពភាពយន្តក្នុងទីក្រុងប៊ែរឡាំង ។ ផលិតករខ្សែភាពយន្តនេះលោក DIAO YINAN ទទួលសញ្ញាបត្រនៃបណ្ឌិតសភាសិល្បៈឆ្នាំ១៩៩២ ហើយលោកបានផលិតខ្សែភាពយន្តពីរមុននេះ គឺខ្សែភាពយន្តរឿង “UNIFORM” កាលពីឆ្នាំ២០០៣ និងខ្សែភាពយន្តរឿង “NIGHT TRAIN” ក្នុងឆ្នាំ២០០៧ ដោយរឿង NIGHT TRAIN យកទៅប្រកួតក្នុងមហោស្រពភាពយន្តក្រុងកាន ប្រទេសបារាំង៕
ចែករំលែកព័តមាននេះ