រាជធានីភ្នំពេញ ៖ អ្នកនេសាទត្រីម្នាក់ត្រូវរថយន្តដឹកដីកិនបែកក្បាលស្លា.ប់ភ្លាមៗ នៅនឹងកន្លែងយ៉ាងអណោចអធ័ម ខណៈដែលរូបគាត់ត្រលប់មកពីនេសាទត្រីនៅបឹងមួយកន្លែង ដែលហេតុការណ៍នេះ បានកើតឡើងកាលពីវេលាម៉ោង ៣ និង ៣០នាទី រសៀលថ្ងៃទី១៥ កុម្ភៈ ២០១៤ ស្ថិតនៅផ្លូវលំក្នុងភូមិដីចាស់ សង្កាត់បាក់ខែង ខណ្ឌឫស្សីកែវ។
រាជធានីភ្នំពេញ ៖ អ្នកនេសាទត្រីម្នាក់ត្រូវរថយន្តដឹកដីកិនបែកក្បាលស្លាប់ភ្លាមៗ នៅនឹងកន្លែងយ៉ាងអណោចអធ័ម ខណៈដែលរូបគាត់ត្រលប់មកពីនេសាទត្រីនៅបឹងមួយកន្លែង ដែលហេតុការណ៍នេះ បានកើតឡើងកាលពីវេលាម៉ោង ៣ និង ៣០នាទី រសៀលថ្ងៃទី១៥ កុម្ភៈ ២០១៤ ស្ថិតនៅផ្លូវលំក្នុងភូមិដីចាស់ សង្កាត់បាក់ខែង ខណ្ឌឫស្សីកែវ។
ជនរងគ្រោះដែលស្លាប់មានឈ្មោះ ឡុញ ឡុច ភេទប្រុស អាយុ ៣៣ឆ្នាំ មានទីលំនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្តាល។ តាមប្រភពព័ត៌មាន បានឲ្យដឹងថា មុនពេលកើតហេតុ ជនរងគ្រោះជិះម៉ូតូម៉ាកសង់កូរ៉េ ពណ៌ក្រហម អត់ស្លាកលេខ ធ្វើដំណើរមកពីនេសាទត្រី ដោយមានមង ពោងចំនួ២ និងត្រីមួយចំនួនផងដែរ។
លុះពេលមកដល់ចំណុចកើតហេតុ ផ្លូវរអិលដោយគេទើបបាញ់ទឹកកុំឲ្យហុយ ក៏បណ្តាលឲ្យម៉ូតូជនរងគ្រោះដួល ស្របពេលមានរថយន្តហ៊ីណូដឹកដី ពណ៌ខ្មៅ ពាក់ស្លាកលេខ ភ្នំពេញ 3A-0432 បើកមកដល់ ក៏កិនជនរងគ្រោះបែកក្បាលស្លាប់នៅនឹងកន្លែងតែម្តង រួចរថយន្តបង្កព្យាយាមបើករត់ប្រមាណជា ៥០០ម៉ែត្រ ទើបឈប់ចតចោលក្បែររណ្តៅទំនាបបឹងមួយកន្លែង ឯតៃកុងបានរត់គេចខ្លួនបាត់។
ក្រោយកើតហេតុ សពជនរងគ្រោះត្រូវបានក្រុមគ្រួសារមកទទួល ដើម្បីយកទៅធ្វើបុណ្យតាមប្រពៃណី ចំណែកម៉ូតូ និងរថយន្តបង្ក សមត្ថកិច្ចបាននាំយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយតាមផ្លូវច្បាប់៕
ចែករំលែកព័តមាននេះ