រាជធានីភ្នំពេញ ៖ បុរសវ័យ៥០ឆ្នាំ លួចសែនព្រេនជាមួយប្រពន្ធម្នាក់ទៀត ត្រូវប្រពន្ធដើមតាមទាន់ ប្តឹងសមត្ថកិច្ចចុះអន្តរាគមន៍ ដែលហេតុការណ៍នេះ បង្កឱ្យមានការភ្ញាក់ផ្អើល កាលពីវេលាព្រឹកថ្ងៃទី១៥ កុម្ភៈ ២០១៤ ស្ថិតក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ បុរសវ័យ៥០ឆ្នាំ លួចសែនព្រេនជាមួយប្រពន្ធម្នាក់ទៀត ត្រូវប្រពន្ធដើមតាមទាន់ ប្តឹងសមត្ថកិច្ចចុះអន្តរាគមន៍ ដែលហេតុការណ៍នេះ បង្កឱ្យមានការភ្ញាក់ផ្អើល កាលពីវេលាព្រឹកថ្ងៃទី១៥ កុម្ភៈ ២០១៤ ស្ថិតក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។
សេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាពបានឱ្យដឹងថា បុរសខាងលើត្រូវបានគេស្គាល់ឈ្មោះ ឆាយ ថា អាយុ៥០ឆ្នាំ ចំណែកប្រពន្ធឈ្មោះ ប៊ិន នី អាយុ៤៨ឆ្នាំ មានកូន៧នាក់ និងមានទីលំនៅភូមិព្រែករាំង ឃុំពន្លិចប្រាសាទ ស្រុកពាមរក៍ ខេត្តព្រៃវែង ។ ដោយឡែកស្ត្រីដែលបុរសខាងលើលួចសែនជាមួយនោះអាយុ៣០ឆ្នាំ ជាកម្មកររោងចក្រ ស្នាក់នៅភូមិកើតហេតុ ហើយភ្លាមៗបានរត់គេចបាត់ ។
បើតាមស្ត្រីជាមួយប្រពន្ធឈ្មោះ ប៊ិន នី រៀបរាប់ឱ្យដឹងថា ប្តីរបស់គាត់ជាមនុស្សល្មោភកាមណាស់ ហើយតែងវាយធ្វើបាបគាត់ ពេលគាត់មិនព្រមដេកជាមួយ ។ ដោយទ្រាំទ្រនឹងការវាយធ្វើបាបលែងបាន ក្នុងអំឡុងឆ្នាំ២០១២ គាត់(ស្ត្រីជាប្រពន្ធ) ក៏បានដាក់ពាក្យប្តឹងលែងលះទៅតុលាការ តែមិនទាន់ប្រកាសសាលក្រមនៅឡើយ ដោយតុលាការកោះហៅ៣ដងមកហើយ តែបុរសជាប្តីមិនបានទៅនោះទេ ។
ប្រភពបន្តថា លុះមកដល់ថ្ងៃកើតហេតុ ឮកូនប្រាប់ថា ឪពុករបស់គេលួចសែនប្រពន្ធថ្មី គាត់ក៏បានប្តឹងសមត្ថកិច្ចចុះមកអន្តរាគមន៍តែម្តង ៕
ចែករំលែកព័តមាននេះ