ខេត្តព្រះវិហារ ៖ កម្លាំងចម្រុះខេត្តដឹកនាំដោយលោក នួន សុខុម នាយរងខណ្ឌរដ្ឋបាលព្រៃឈើព្រះវិហារ សហការជាមួយសមត្ថកិច្ចអាជ្ញាធរមូលដ្ឋានស្រុកជាំក្សាន្ត បានចុះបង្ក្រាបបទល្មើសព្រៃឈើមួយកន្លែង ស្ថិតក្នុងភូមិឈើទាលគង ឃុំជាំក្សាន្ត ស្រុកជាំក្សាន្ត ក្បែរជើងភ្នំច្រកទ្វារអានសេះ។
ខេត្តព្រះវិហារ ៖ កម្លាំងចម្រុះខេត្តដឹកនាំដោយលោក នួន សុខុម នាយរងខណ្ឌរដ្ឋបាលព្រៃឈើព្រះវិហារ សហការជាមួយសមត្ថកិច្ចអាជ្ញាធរមូលដ្ឋានស្រុកជាំក្សាន្ត បានចុះបង្ក្រាបបទល្មើសព្រៃឈើមួយកន្លែង ស្ថិតក្នុងភូមិឈើទាលគង ឃុំជាំក្សាន្ត ស្រុកជាំក្សាន្ត ក្បែរជើងភ្នំច្រកទ្វារអានសេះ។
ជុំវិញការចុះបង្រ្កាបឈើប្រណីតខាងលើនេះ លោក នួន សុខុម នាយរងខណ្ឌរដ្ឋបាលព្រៃឈើព្រះវិហារ នៅថ្ងៃទី១៥ កុម្ភៈ បានឲ្យដឹងថា ដោយមានដីការបស់ព្រះរាជអាជ្ញាសាលាដំបូងខេត្ត ឱ្យធ្វើការឆែកឆេរលំនៅឋានប្រជាពលរដ្ឋម្នាក់ ឈ្មោះ ស៊ីង ស៊ីម ភេទប្រុស នៅក្នុងភូមិខាងលើ ក៏បានរកឃើញឈើប្រណីតខុសច្បាប់ប្រភេទ នាងនួន បេង ធ្នង់ជាច្រើនកំណាត់សរុបចំនួន១៥ម៉ែត្រគូប ដែលឈ្មួញបានយកមកលាក់ទុកក្នុងលំនៅឋានមួយនេះ ។ ក្រោយពីឆែកឆេររកឃើញ ឈើប្រណីតទាំងអស់ សមត្ថកិច្ចបាននាំយកទៅរក្សាទុក នៅផ្នែករដ្ឋបាលព្រៃឈើជាំក្សាន្ត ដើម្បីកសាងសំណុំរឿងបញ្ជូនទៅសាលាដំបូងខេត្តព្រះវិហារ ចាត់ការតាមផ្លូវច្បាប់ ។
តាមប្រភពព័ត៌មានបានឱ្យដឹងថា ឈើប្រណីតជាច្រើនកំណាត់នេះ ជារបស់មន្រ្តីយោធាម្នាក់ ដែលឈរជើងក្នុងតំបន់នោះ បង្ខំឲ្យប្រជាពលរដ្ឋឡើងកាប់លើខ្នងភ្នំដងរែក ក្បែរច្រកទ្វារអានសេះ ហើយជញ្ជូនយកមកគរទុកក្នុងចំណុចខាងលើ ដើម្បីលក់ទៅឲ្យឈ្មួញកណ្តាលក្នុងផ្សារងងឹត ៕
ចែករំលែកព័តមាននេះ