រដ្ឋាភិបាលចិនកំពុងកំណត់គោលដៅកំណើននាំចេញឱ្យបានប្រហែល៧,៥%នៅក្នុងឆ្នាំ២០១៤នេះ នេះបើយោងតាមសារព័ត៌មានBloomberg ។ ការសែតរាយការណ៍ថា គោលដៅដែលផ្អែកលើតម្លៃនៃការលក់ប្រាក់ដុល្លារអាមេរិកបានរួមចំណែកដល់ក្រសួងទាំងឡាយដែលពាក់ព័ន្ធនឹងសេដ្ឋកិច្ច និងរដ្ឋាភិបាលប្រចាំតំបន់ដើម្បីបម្រើការជាគោលដៅណែនាំផ្ទៃក្នុងសម្រាប់រៀបចំផែនការ ។
រដ្ឋាភិបាលចិនកំពុងកំណត់គោលដៅកំណើននាំចេញឱ្យបានប្រហែល៧,៥%នៅក្នុងឆ្នាំ២០១៤នេះ នេះបើយោងតាមសារព័ត៌មានBloomberg ។ ការសែតរាយការណ៍ថា គោលដៅដែលផ្អែកលើតម្លៃនៃការលក់ប្រាក់ដុល្លារអាមេរិកបានរួមចំណែកដល់ក្រសួងទាំងឡាយដែលពាក់ព័ន្ធនឹងសេដ្ឋកិច្ច និងរដ្ឋាភិបាលប្រចាំតំបន់ដើម្បីបម្រើការជាគោលដៅណែនាំផ្ទៃក្នុងសម្រាប់រៀបចំផែនការ ។ ការនាំចេញក្រៅប្រទេសបានកើនឡើង៧,៩%កាលពីឆ្នាំ២០១៣ ដែលកាលនោះរដ្ឋាភិបាលបានកំណត់គោលដៅ៨%នៅក្នុងការនាំចេញនិងនាំចូលរួមបញ្ចូលគ្នា ។
កំណើននាពេលនេះទំនងជាឆ្លុះបញ្ចាំងឱ្យឃើញពីក្ដីបារម្ភរបស់ក្រសួងពាណិជ្ជកម្មកាលពីខែមុនដែលថា កំណើនពាណិជ្ជកម្មនឹងមិនលឿនជាងឆ្នាំ២០១៣ទេ ចំពេលដែលមានការរើបឡើងវិញដែលគ្មានស្ថិរភាពនៅលើពិភពលោក ។ សន្ទុះនៃការនាំចេញនឹងជួយកំណត់ល្បឿនកំណើននៅក្នុងប្រទេសដែលមានសេដ្ឋកិច្ចធំបំផុតទីពីរលើពិភពលោកមួយនេះគ្រាដែលសេដ្ឋកិច្ចបានធ្លាក់ដល់ក្រោម៧,៤%អស់រយៈពេល២៤ឆ្នាំ ។
យោងតាមទិន្នន័យពីរដ្ឋបាលគយបានបង្ហាញថា ការនាំចេញរបស់ចិនបានកើនឡើងលឿនជាងការរំពឹងទុកកាលពីខែមករា បើធៀបនឹងឆ្នាំមុន ពោលគឺជាល្បឿនមួយដែលទំនងជាបានផ្លាស់ប្ដូរដោយសារវិក្កយបត្រក្លែងក្លាយនិងថ្ងៃឈប់សម្រាក់ចូលឆ្នាំថ្មី ៕
ចែករំលែកព័តមាននេះ