ខេត្តកំពង់ឆ្នាំង ៖ រថយន្តមួយគ្រឿងម៉ាកឡិចស៊ីស៤៧០ដឹកឈើប្រណីតប្រភេទនាងនួនបានបុកគោយន្តកន្ត្រៃដឹកឈើអារពីក្រោយបណ្តាលឱ្យធ្លាក់ចូលស្រែទាំង២គ្រឿងតែពុំបណ្តាលឱ្យនរណាម្នាក់រងគ្រោះថ្នាក់ទេ។
ខេត្តកំពង់ឆ្នាំង ៖ រថយន្តមួយគ្រឿងម៉ាកឡិចស៊ីស៤៧០ដឹកឈើប្រណីតប្រភេទនាងនួនបានបុកគោយន្តកន្ត្រៃដឹកឈើអារពីក្រោយបណ្តាលឱ្យធ្លាក់ចូលស្រែទាំង២គ្រឿងតែពុំបណ្តាលឱ្យនរណាម្នាក់រងគ្រោះថ្នាក់ទេ។ ហេតុការណ៍នេះបានកើតឡើងកាលពីវេលាម៉ោង៣ និង៣០នាទីទៀបភ្លឺ ថ្ងៃទី១៤ កុម្ភៈ ២០១៤ នៅតាមបណ្តោយផ្លូវជាតិស្ថិតក្នុងភូមិត្រពាំងពោធិ៍ ឃុំពង្រ ស្រុករលាប្អៀរ។
ក្រោយកើតហេតុ មុនពេលរត់គេចខ្លួនអ្នកបើករថយន្តឡិចស៊ីសបានកាច់ស្លាកលេខរថយន្ត និងរំដោះយកឈើមួយចំនួនគេចបាត់មុនពេលសមត្ថកិច្ចទៅដល់។ នៅកន្លែងកើតហេតុ សមត្ថកិច្ចគ្រប់ជំនាញបានពិនិត្យក្នុងរថយន្តឡិចស៊ីស៤៧០ឃើញមានឈើប្រណីតប្រភេទនាងនួនចំនួន៦ដុំ និងឈើ២ដុំទៀតត្រូវបានគេជញ្ជូនយកទៅលាក់ក្នុងភូមិប្រជាពលរដ្ឋក្បែរនោះ ដែលសរុបឈើទាំងអស់មានចំនួន៨ដុំ មានមុខកាត់៣តឹក៤ជ្រុង និងមានប្រវែង២ម៉ែត្រ ដែលមានប្រមាណ១,៥ម៉ែត្រគូប។
បច្ចុប្បន្នឈើទាំងនោះត្រូវបានស្ទូចមកកាន់ស្នងការដ្ឋាននគរបាលខេត្តដើម្បីកសាងសំណុំរឿងតាមនីតិវិធី៕
ចែករំលែកព័តមាននេះ