រថយន្ត ១តោនកន្លះ បើកបុករថយន្តមីនីធុនតូចចតស្ងៀម បណ្តាលឲ្យខ្ទាតទៅបុកបង្គោលភ្លើងរងការខូចខាតធ្ងន់ធ្ងរ
រាជធានីភ្នំពេញ ៖ រថយន្តមីនីធុនតូច ១គ្រឿង ដែលម្ចាស់ចតស្ងៀមនៅលើចិញ្ចើមផ្លូវ បានរងការខូចខាតយ៉ាងធ្ងន់ធ្ងរ ខណៈដែលមានរថយន្ត ១តោនកន្លះ ពណ៌ខៀវ ១គ្រឿង មិនចាំស្លាកលេខ ធ្វើដំណើរតាមផ្លូវព្រះសីហនុ ក្នុងទិសដៅពីលិចទៅកើត លុះមកដល់ចំណុចមុខរោងកុនគិរីរម្យ ក៏បានរេចង្កូតទៅបុករថយន្តមីនីធុនតូចខាងលើ ពណ៌ស ពាក់ស្លាកលេខ បន្ទាយមានជ័យ 2A-2133 បណ្តាលឲ្យរថយន្តនេះ ខ្ទាតទៅបុកបង្គោលភ្លើង ១ដើម តែម្តង។
ចែករំលែកព័តមាននេះ