ADផ្ទាំងផ្សព្វផ្សាយពាណិជ្ជកម្ម

ឡិចស៊ីសបើកវ៉ារថយន្តពីមុខជ្រុលទៅបុករនាំងដែកពុះចែកទ្រូងផ្លូវបាក់អស់ ១០ផ្ទាំង រួចរេចង្កូតបុកCRV ស្រ្តីម្នាក់រងរបួសធ្ងន់

11 ឆ្នាំ មុន

១៤ ខែ កុម្ភៈ ឆ្នាំ ២០១៤ ម៉ោង ១២:៥៦

រាជធានីភ្នំពេញ ៖ ស្រ្តីម្នាក់បានរងរបួសធ្ងន់បាក់ខ្ទង់ច្រមុះ ខណៈដែលរថយន្តឡិចស៊ីស 470 ១គ្រឿង ពណ៌ខ្មៅ ពាក់ស្លាកលេខ ភ្នំពេញ 2T-5132 រួមដំណើរដោយបុរស ២នាក់ និងស្រ្តីរងគ្រោះ ធ្វើដំណើរយ៉ាងលឿនតាមមហាវិថីសហព័ន្ធរុស្ស៊ី ទិសដៅពីកើតទៅលិច លុះមកដល់មុខហាងលក់ទូរស័ព្ទណូគាបេះដូងខ្មែរ ក៏បានវ៉ារថយន្ត ១គ្រឿង នៅឆ្វេងដៃ រួចជ្រុលទៅបុករនាំងដែកពុះចែកទ្រូងផ្លូវ បណ្តាលឲ្យបាក់អស់ ១០ផ្ទាំង

ហេតុការណ៍គ្រោះថ្នាក់ចរាចរណ៍ខាងលើ បានកើតឡើងកាលពីវេលាម៉ោង ១២ និង ៣០នាទី យប់រំលងអាធ្រាត្រឈានចូលថ្ងៃទី១៤ កុម្ភៈ ២០១៤ ស្ថិតក្នុងភូមិប៉ប្រក់ខាងត្បូង សង្កាត់កាកាប ខណ្ឌពោធិ៍សែនជ័យ។ ក្រោយកើតហេតុ បុរស ២នាក់ ដែលជិះក្នុងរថយន្តឡិចស៊ីសបង្កបានរត់គេចខ្លួនបាត់តែម្តង ចំណែករថយន្តរងការខូចខាតខ្ទេចមួយចំហៀងខាងស្តាំ ឯរថយន្តCRV ខ្ទេចមួយកំណាត់មុខ និងផ្ទុះពោង ត្រូវសមត្ថកិច្ចនាំយកទៅការិយាល័យចរាចរណ៍ផ្លូវគោករាជធានីភ្នំពេញ ដើម្បីធ្វើការដោះស្រាយ៕

ADផ្ទាំងផ្សព្វផ្សាយពាណិជ្ជកម្ម

អត្តបទផ្សេងៗទៀត