ADផ្ទាំងផ្សព្វផ្សាយពាណិជ្ជកម្ម

រថយន្តតាក់ស៊ីបើកបុកម៉ូតូវ៉េវនៅផ្លូវកែង រងរបួសធ្ងន់ម្នាក់ រួចបើកកិនលើម៉ូតូជិះគេចខ្លួនត្រូវអ្នកដំណើរជិះម៉ូតូស្ទាក់ចាប់បាន

11 ឆ្នាំ មុន

១៣ ខែ កុម្ភៈ ឆ្នាំ ២០១៤ ម៉ោង ០៩:១២

រាជធានីភ្នំពេញ ៖ បុរសម្នាក់បានរងរបួសធ្ងន់ ខណៈដែលរូបគាត់ជិះម៉ូតូវ៉េវ ១គ្រឿង ពណ៌ខ្មៅ ពាក់ស្លាកលេខ NGO 0167 ធ្វើដំណើរតាមបណ្តោយផ្លូវលេខ១៨២ ក្នុងទិសដៅពីកើតទៅលិច លុះមកដល់កែងផ្លូវ២៧១ ក៏មានរថយន្តតាក់ស៊ីឆយ ១គ្រឿង ពណ៌លឿង អត់ចាំស្លាកលេខ បុកចំពេញទំហឹង បណ្តាលឲ្យជនរងគ្រោះដួលបោកបែកមុខមាត់ និងបាក់ឆ្អឹងជំនីខាងឆ្វេង ចំណែករថយន្តបង្កបានរ៉ឹយ៉ែកិនម៉ូតូ ២ ទៅ ៣ដង រួចបើកគេចបាត់តែម្តង។

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ៩យប់ ថ្ងៃទី១៣ កុម្ភៈ ២០១៤ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក។ ចំណែករថយន្តបង្កបន្ទាប់ពីបើករត់គេចខ្លួន ក៏ត្រូវអ្នកដំណើរម្នាក់ជិះម៉ូតូដេញស្ទាក់ចាប់បាននៅផ្លូវ២០០៤ មុខសាលាអន្តរជាតិនតប្រ៊ីត ក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ។ អ្នកបើកបររថយន្តតាក់ស៊ីបង្ក មិនមែនជាម្ចាស់រថយន្តឡើយ គឺជាជាងជួលជុល ហើយបានបើករថយន្តសាក។