ខេត្តព្រះសីហនុ ៖ នៅសាលាសង្កាត់លេខ១ ក្រុងព្រះសីហនុ ខេត្តព្រះសីហនុ នាព្រឹកថ្ងៃទី១២ កុម្ភៈ ២០១៤ បានបើកកិច្ចប្រជុំ និងបិទផ្សាយទិន្នន័យក្បាលដីជាសាធារណៈ ជូនដល់មន្ត្រីរាជការ ប្រជាពលរដ្ឋ ដែលមានក្បាលដីនៅក្នុងភូមិ៣ សង្កាត់១ ក្រុង និងខេត្តព្រះសីហនុ។
ខេត្តព្រះសីហនុ ៖ នៅសាលាសង្កាត់លេខ១ ក្រុងព្រះសីហនុ ខេត្តព្រះសីហនុ នាព្រឹកថ្ងៃទី១២ កុម្ភៈ ២០១៤ បានបើកកិច្ចប្រជុំ និងបិទផ្សាយទិន្នន័យក្បាលដីជាសាធារណៈ ជូនដល់មន្ត្រីរាជការ ប្រជាពលរដ្ឋ ដែលមានក្បាលដីនៅក្នុងភូមិ៣ សង្កាត់១ ក្រុង និងខេត្តព្រះសីហនុ។
ពិធីនេះ ធ្វើឡើងក្រោមអធិបតីភាព លោក ប្រាក់ ស៊ីហារ៉ា អភិបាលរងខេត្តព្រះសីហនុ លោក ហ៊ុន ភី អនុប្រធានមន្ទីរសុរិយោដី និងសំណង់ខេត្តព្រះសីហនុ លោក ឈុន សារុំ អនុប្រធានសភាពាណិជ្ជកម្ម និងជាប្រធានសាខាសម្ព័ន្ធ អ្នកសារព័ត៌មានខេត្តព្រះសីហនុ លោក ឈិត សុផាត ចៅសង្កាត់លេខ១ និងអញ្ជើញចូលរួមជាកិតិ្តយសពីសំណាក់លោកប្រធានភូមិ៣ រួមទាំងមន្ត្រីរាជការ ប្រជាពលរដ្ឋ ដែលមានក្បាលដីនៅក្នុងភូមិ៣ សង្កាត់លេខ១ ក្រុង-ខេត្តព្រះសីហនុ។
ជាកិច្ចចាប់ផ្តើមនៃកិច្ចប្រជុំ មន្ត្រីជំនាញបច្ចេកទេសនៃមន្ទីរសុរិយោដី និងសំណង់ខេត្តព្រះសីហនុ បានឲ្យដឹងថា ការបិទផ្សាយទិន្នន័យក្បាលដីជាសាធារណៈនូវឯកសារ នៃការវិនិច្ឆ័យលើក្បាលដី ដែលមានចំនួន ១០៤៣ក្បាលដី នៅចំណុចខាងលើនេះ ធ្វើឡើងទៅតាមសេចក្តីជូនដំណឹងរបស់សាលាខេត្តព្រះសីហនុ លេខ១៤៣ស.ជ.ណ/១៤ ចុះថ្ងៃទី០៥ កុម្ភៈ ២០១៤។
មន្រ្តីជំនាញមន្ទីរសុរិយោដី និងសំណង់ខេត្តព្រះសីហនុ បានមានប្រសាសន៍ជម្រាបជូនដល់មន្ត្រីរាជការ បងប្អូនប្រជាពលរដ្ឋ ដែលជាម្ចាស់ក្បាលដីក្នុងភូមិ៣ សង្កាត់១ ក្រុង-ខេត្តព្រះសីហនុ ទាំងអស់ត្រូវអញ្ជើញមកពិនិត្យលើគំនូសប្លង់បង្ហាញកំណត់ទីតាំងក្បាលដី ដែលមន្ត្រីជំនាញបានធ្វើការបិទផ្សាយជូនដល់បងប្អូននៅបរិវេណសាលាសង្កាត់លេខ១ ចាប់ពីថ្ងៃទី១២ កុម្ភៈ រហូតដល់ថ្ងៃទី១៣ មិនា ២០១៤ រៀងរាល់ម៉ោងធ្វើការ មិនថា ថ្ងៃសៅរ៍ អាទិត្យ ឬថ្ងៃបុណ្យឡើយ។
ក្នុងករណីក្បាលដីមានទំនាស់ ឬមានការពាក់ព័ន្ធវិវាទផ្សេងៗ មន្ទីរជំនាញទុកពេលវេលារយៈពេល ៣០ថ្ងៃ ដើម្បីឲ្យម្ចាស់ក្បាលដីពាក់ព័ន្ធរកដំណោះស្រាយជាមួយភាគីពាក់ព័ន្ធ។ ក្នុងករណីទំនាស់រឺវិវាទណាមួយ ដែលភាគីទាំងពីរមិនអាចដោះស្រាយបានក្នុងរយៈពេលខាងលើនោះ គណៈកម្មការរដ្ឋបាល នឹងបញ្ចូនសំណុំរឿងទំនាស់នេះ ទៅគណៈកម្មការសុរិយោដីថ្នាក់ជាតិ បន្តទៀត។
លោក ប្រាក់ ស៊ីហារ៉ា អភិបាលរងខេត្តព្រះសីហនុ បានមានប្រសាសន៍សំណេះសំណាលជាមួយបងប្អូនមន្ត្រីរាជការ និងប្រជាពលរដ្ឋ ដែលមានក្បាលដីនៅភូមិ-សង្កាត់ខាងលើនោះ ដោយបានពាំនាំនូវការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ដែលជានិច្ចជាកាល សម្តេចតែងតែយកចិត្តទុកដាក់អំពីសុខទុក្ខ គិតគូអំពីផលប្រយោជន៍របស់បងប្អូនប្រជាពលរដ្ឋ ក៏ដូចជាសង្គមជាតិទាំងមូល។
លោកអភិបាលរងខេត្ត ក៏បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ ជាមន្ត្រី ជាបុគ្គលិកនៃមន្ទីរសុរិយោដី និងសំណង់ខេត្តព្រះសីហនុ ដែលបានខិតខំប្រឹងប្រែងបំពេញកិច្ចការជំនាញរបស់ខ្លួន បង្កើតបានជាប្លង់បង្ហាញលើទីតាំងក្បាលដី ដែលមានចំនួនខាងលើបង្កលក្ខណៈងាយស្រួលដល់បងប្អូនជាម្ចាស់ក្បាលដី ដែលពួកគាត់កំពុងតែរង់ចាំ និងសង្ឃឹមបានទទួលការគ្រប់គ្រងលើប្លង់កម្មសិទ្ធិស្របច្បាប់ទៅពេលអនាគត បន្ទាប់ពីបានពិនិត្យលើឯកសារការវិនិច្ឆ័យលើក្បាលដី និងយល់ព្រមជាស្ថាពរពីម្ចាស់ក្បាលដីទាំងអស់ខាងលើនោះ៕
ចែករំលែកព័តមាននេះ