កម្ពុជាសម្តែងសិល្បៈជូនបងប្អូនចិនទស្សនា
ប្រទេសចិន ៖ មន្ទីរវប្បធម៌ និងវិចិត្រសិល្បៈខេត្តសៀមរាប ប្រទេសកម្ពុជា និងក្រុមវិនិយោគឧស្សាហកម្មអាកាសចរណ៍យូណាន គ្រុបក៏បានចែករំលែកវប្បធម៌ សិល្បៈនៅលេីឆាកកាលពីថ្ងៃទី ៥ ខែ…
ប្រទេសចិន ៖ មន្ទីរវប្បធម៌ និងវិចិត្រសិល្បៈខេត្តសៀមរាប ប្រទេសកម្ពុជា និងក្រុមវិនិយោគឧស្សាហកម្មអាកាសចរណ៍យូណាន គ្រុបក៏បានចែករំលែកវប្បធម៌ សិល្បៈនៅលេីឆាកកាលពីថ្ងៃទី ៥ ខែ កញ្ញា ដោយមានការសម្តែងសិល្បកម្ពុជានិងមីយ៉ាន់ម៉ា នៅក្នុងកិច្ចប្រជុំប្រចាំឆ្នាំនៃសហព័ន្ធសារព័ត៌មានអាស៊ីខាងត្បូង និងអាស៊ីអាគ្នេយ៍ ផងដែរ។
នៅក្នុងនោះដែរលោក មួន សុភាព ប្រធានមន្ទីរវប្បធម៌និងវិចិត្រសិល្បៈខេត្តសៀមរាប បានអញ្ជើញបើកសម្ពោធ កម្មវិធីទីផ្សាវប្បធម៌ចិន-កម្ពុជា និងចិន-មីយ៉ាន់ម៉ា និងការសម្តែងសិល្បរបស់កម្ពុជា មីយ៉ាន់ម៉ាផងដែរក្រោម ប្រធានបទ “ផ្លូវសូត្រដ៏ត្រចះត្រចង់ តំបន់ជិតខាងដ៏ចម្រុះពណ៌”។
ជាមួយគ្នានោះដែរសារព័ត៌មានកោះសន្តិភាព និង មជ្ឈមណ្ឌលផ្សព្វផ្សាយអន្តរជាតិចំពោះតំបន់អាស៊ី ខាងត្បូង និងអាស៊ីអាគ្នេយ៍ខេត្តយូណាន ប្រទេសចិននៅថ្ងៃទី៥ ខែ កញ្ញានេះ បានសម្ពោធគម្រោងសហប្រតិបត្តិការជាមួយគ្នានៅក្នុងកិច្ចប្រជុំប្រចាំឆ្នាំនៃសហព័ន្ធសារព័ត៌មានអាស៊ីខាងត្បូង និងអាស៊ីអាគ្នេយ៍។
កិច្ចសហប្រត្តិបត្តិការទាំងនេះកើតមានក្នុងទស្សនកិច្ចប្រតិភូកម្ពុជាក្រោមការដឹកនាំរបស់លោកបណ្ឌិត ជា មុនីឬទ្ធិសមាជិកគណកម្មាធិការប្រតិបត្តិនៃសមាគមន៍មិត្តភាពកម្ពុជាចិនទៅកាន់ខេត្តយូណានប្រទេសចិន ៕
ចែករំលែកព័តមាននេះ