ខេត្តកំពង់ស្ពឺ៖ ផ្លូវមួយខ្សែដែលបានតភ្ជាប់ពីភូមិទួលធ្នង់ និងភូមិខោប ក្នុងសង្កាត់រការធំ ក្រុងច្បារមន ប្រវែងជាង១គីឡូម៉ែត្រ រងការខូចខាតពិបាកធ្វើដំណើររាល់ថ្ងៃ ។ ប្រជាពលរដ្ឋម្នាក់មានឈ្មោះ មាស…
ខេត្តកំពង់ស្ពឺ៖ ផ្លូវមួយខ្សែដែលបានតភ្ជាប់ពីភូមិទួលធ្នង់ និងភូមិខោប ក្នុងសង្កាត់រការធំ ក្រុងច្បារមន ប្រវែងជាង១គីឡូម៉ែត្រ រងការខូចខាតពិបាកធ្វើដំណើររាល់ថ្ងៃ ។
ប្រជាពលរដ្ឋម្នាក់មានឈ្មោះ មាស សារឿន ភេទស្រី អាយុ៥៥ឆ្នាំ មុខរបរលក់ដូរ រស់នៅក្នុងភូមិទួលធ្នង់ សង្កាត់រការធំ ក្រុងច្បារមន បាននិយាយឱ្យអ្នកយកព័ត៌មានយើងដឹងថា ផ្លូវមួយខ្សែនេះរងការខូចខាតជាយូរឆ្នាំមកហើយ ប្រវែង ប្រហែលជាង១គីឡូម៉ែត្រប៉ុណ្ណោះ។ គាត់ជាប្រជាពលរដ្ឋ រស់នៅកន្លែងនេះពិបាកខ្លាំងណាស់ រដូវភ្លៀងធ្លាក់បែកភក់មានទឹកដក់ និងជង្ហុកតូចធំ នៅរដូវប្រាំងមានសភាពហុយ គឺពិបាកក្នុងការរស់នៅណាស់។
លោកស្រី មាស សារឿន បានបន្តទៀតថា សព្វថ្ងៃនេះផ្លូវមួយខ្សែនេះមានអ្នកធ្វើដំណើរឆ្លងកាត់ច្រើនប្រជាពលរដ្ឋ បើជិះកង់ ម៉ូតូ រថយន្តដឹក កម្មករ កម្មារិនីរោងចក្រ និងជាពិសេសសិស្សានុសិស្សធ្វើដំណើរទៅរៀនសូត្រ។ អ្វីដែលប្រឈមនោះគឺពេលយប់ ជាក់ស្តែងល្ងាចថ្ងៃទី០៤ ខែកញ្ញា ឆ្នាំ២០២៥ម្សិលមិញ មានអ្នកដួលម៉ូតូ ប៉ុន្តែមិនរងរបួសធ្ងន់ធ្ងរនោះទេ គ្រាន់តែប្រឡាក់ភក់ ដោយសារតែផ្លូវមានសភាពរអិលពេក។ កន្លងទៅដោយឃើញផ្លូវរងការខូចខាតពិបាកធ្វើដំណើរពេក គាត់ក៏បានទិញដីចំនួន០២រថយន្តចាក់សម្រួលបំពេញជង្ហុកដែរ ស្រួលបានខ្លះ។ ប្រជាពលរដ្ឋ អ្នកភូមិក៏បានរៃអង្គាសគ្នាទិញដីចាក់បំពេញជង្ហុកមុខផ្ទះរបស់ខ្លួនឯងផងដែរ។
ជាចុងក្រោយក្នុងនាមគាត់ជាប្រជាពលរដ្ឋ សូមសំណូមពរដល់អាជ្ញាធរ និងជំនាញពាក់ព័ន្ធមេត្តាជួយចុះពិនិត្យ ជួសជុលសម្រួលផ្លូវនេះផង រងការខូចខាតខ្លាំងណាស់ ។
ទោះបីជាយ៉ាង យើងមិនទាន់មានការឆ្លើយតបពីអាជ្ញាធរមូលដ្ឋាននៅឡើយ ។
ព័ត៌មានបន្ថែម កោះសន្តិភាពនឹងមានផ្សាយបន្ត ៕
ចែករំលែកព័តមាននេះ