សារព័ត៌មានកោះសន្តិភាព និងមជ្ឈមណ្ឌលផ្សព្វផ្សាយអន្តរជាតិចំពោះតំបន់អាស៊ី ខាងត្បូង និងអាស៊ីអាគ្នេយ៍ខេត្តយូណាន នៅថ្ងៃទី៥ ខែកញ្ញានេះ បានសម្ពោធគម្រោងសហប្រតិបត្តិការជាមួយគ្នានៅក្នុងកិច្ចប្រជុំប្រចាំឆ្នាំនៃសហព័ន្ធសារព័ត៌មានអាស៊ីខាងត្បូង និងអាស៊ីអាគ្នេយ៍។ លោក ស្រី…
សារព័ត៌មានកោះសន្តិភាព និងមជ្ឈមណ្ឌលផ្សព្វផ្សាយអន្តរជាតិចំពោះតំបន់អាស៊ី ខាងត្បូង និងអាស៊ីអាគ្នេយ៍ខេត្តយូណាន នៅថ្ងៃទី៥ ខែកញ្ញានេះ បានសម្ពោធគម្រោងសហប្រតិបត្តិការជាមួយគ្នានៅក្នុងកិច្ចប្រជុំប្រចាំឆ្នាំនៃសហព័ន្ធសារព័ត៌មានអាស៊ីខាងត្បូង និងអាស៊ីអាគ្នេយ៍។
លោក ស្រី ថុង សុវណ្ណរង្សី ប្រធានក្រុមហ៊ុនកោះសន្តិភាពបាននិយាយថា សារព័ត៌មានកោះសន្តិភាពពិតជាមានក្តីរីករាយចំពោះសហប្រតិបត្តិការដ៏រឹងមាំរវាងកោះសន្តិភាព និង មជ្ឈមណ្ឌលផ្សព្វផ្សាយអន្តរជាតិចំពោះតំបន់អាស៊ី ខាងត្បូង និងអាស៊ីអាគ្នេយ៍ខេត្តយូណាន។ គម្រោងនេះ នឹងជួយដល់ការទំនាក់ទំនងរវាងប្រជាជនកម្ពុជា និង ប្រជាជនចិនអោយកាន់តែមានភាពស្និទ្ធស្នាលជាមួយគ្នាថែមទៀត។
ការសម្ពោធគម្រោងសហប្រតិបត្តិការជាមយយកោះសន្តិភាពនេះ គឺជាផ្នែកមួយនៃសហប្រតិបត្តិការផ្សេងទៀតរបស់មជ្ឈមណ្ឌលផ្សព្វផ្សាយអន្តរជាតិចំពោះតំបន់អាស៊ី ខាងត្បូង និងអាស៊ីអាគ្នេយ៍ខេត្តយូណាន ជាមួយនឹងប្រទេសកម្ពុជាយើង។
ចំពោះកិច្ចសហប្រតិបត្តិការផ្សេងទៀតរួមមាន ការបកប្រែសៀវភៅ «ស៊ី ជីនភីង៖ អភិបាលកិច្ចប្រទេសចិន»និងការចេញផ្សាយផែនការសកម្មភាពឆ្នាំ២០២៦ ស្តីពីច្រករបៀងវប្បធម៌ កម្ពុជា-ចិន នៅអាកាសយានដ្ឋានអន្តរជាតិសៀមរាបអង្គរដោយមជ្ឈមណ្ឌលផ្សព្វផ្សាយអន្តរជាតិចំពោះតំបន់ អាស៊ីខាងត្បូងនិងអាស៊ីអាគ្នេយ៍ខេត្តយូណាន មន្ទីរវប្បធម៌ និងវិចិត្រសិល្បៈខេត្តសៀមរាប ប្រទេសកម្ពុជា និងក្រុមវិនិយោគឧស្សាហកម្មអាកាសចរណ៍យូណាន គ្រុប។
គួរបញ្ជាក់ថា កិច្ចសហប្រត្តិបត្តិការទាំងនេះ កើតមានក្នុងទស្សនកិច្ចប្រតិភូកម្ពុជាក្រោមការដឹកនាំរបស់លោកបណ្ឌិត ជា មុនីឬទ្ធិ សមាជិកគណៈកម្មាធិការប្រតិបត្តិនៃសមាគមន៍មិត្តភាពកម្ពុជាចិនទៅកាន់ខេត្តយូណានប្រទេសចិន។
ចែករំលែកព័តមាននេះ