រាជធានីភ្នំពេញ៖ មានហេតុការភ្ញាក់ផ្អើលមួយបានកើតឡើងកាលពីវេលាម៉ោង៦ព្រឹកថ្ងៃទី៥ ខែកញ្ញា ឆ្នាំ២០២៥ នៅតាមផ្លូវលំស្ថិតនៅក្នុងភូមិ២៤ សង្កាត់ព្រៃស ខណ្ឌដង្កោ រាជធានីភ្នំពេញ ។ ខណៈដែលបុរសអ្នកដំណើរម្នាក់ជិះម៉ូតូ១គ្រឿងឆ្លងកាត់ផ្លូវខាងលើ…
រាជធានីភ្នំពេញ៖ មានហេតុការភ្ញាក់ផ្អើលមួយបានកើតឡើងកាលពីវេលាម៉ោង៦ព្រឹកថ្ងៃទី៥ ខែកញ្ញា ឆ្នាំ២០២៥ នៅតាមផ្លូវលំស្ថិតនៅក្នុងភូមិ២៤ សង្កាត់ព្រៃស ខណ្ឌដង្កោ រាជធានីភ្នំពេញ ។ ខណៈដែលបុរសអ្នកដំណើរម្នាក់ជិះម៉ូតូ១គ្រឿងឆ្លងកាត់ផ្លូវខាងលើ ហើយទៅដល់ត្រង់ចំណុចទឹកលិចផ្លូវជម្រៅត្រឹមជង្គង់ម៉ូតូរបស់គាត់ក៏រលត់ម៉ាសុីនទៅមុខលែងរួច ។ ពេលនោះក៏ស្រាប់តែប្រទះឃើញសពបុរសអ្នកបេះបន្លែម្នាក់នៅក្នុងទឹកក្បែរម៉ូតូរបស់គាត់ បើតាមនគរបាលពិនិត្យឃើញថា បុរសអ្នកបេះបន្លែរូបនេះស្រវឹងស្រាលង់ទឹកស្លាប់ រីឯប្រជាពលរដ្ឋអះអាងថា បុរសនោះតែងផឹកស្រាស្រវឹងរាល់ថ្ងៃផងដែរ ។
បុរសរងគ្រោះរូបនោះឈ្មោះជ័យ ចាន់ណារិទ្ធ អាយុ៤២ឆ្នាំ មុខរបរដើរបេះបន្លែនៅតាមវាលស្រែ តាមបឹង និងវាលទំនាបដើម្បីយកទៅលក់ គាត់មានទីលំនៅអចិន្ត្រៃយ៍ផ្ទះលេខ១៨២ ក្រុម១៦ ភូមិព្រៃលាវ ឃុំបន្សាយត្រែង ស្រុកថ្មគោល ខេត្តបាត់ដំបង ។ ប៉ុន្តែបានមកនៅរាជធានីភ្នំពេញ ដើម្បីប្រកបរបរខាងលើ ប៉ុន្តែគាត់គ្មានកន្លែស្នាក់នៅពិតប្រាកដនោះឡើយ គឺទៅដល់ទីណា យប់កន្លែងណា ដេកកន្លែងនោះតែម្ដង ។
ប្រជាពលរដ្ឋបាននិយាយថា កន្លងមកពួកគាត់តែងបានឃើញបុរសនេះជិះកង់ដើរបេះបន្លែដូចជាត្រកួនជាដើមយកទៅលក់រាល់ថ្ងៃ ហើយក៏បានផឹកស្រាស្រវឹងជាប្រចាំរាល់ថ្ងៃផងដែរ ។ ដោយឡែកនៅវេលាម៉ោងខាងលើមានបុរសអ្នកដំណើរម្នាក់បានជិះម៉ូតូ១គ្រឿងធ្វើដំណើរតាមផ្លូវលំខាងលើនោះ លុះពេលទៅដល់ត្រង់ចំណុចកើតហេតុដែលមានទឹកលិចផ្លូវជម្រៅត្រង់ជង្គង់ ម៉ូតូអ្នកដំណើររូបនោះក៏រលត់ម៉ាសុីនទៅមុខលែងរួច ។
ប្រជាពលរដ្ឋបាននិយាយបន្តទៀតថា ខណៈនោះក៏ប្រទះឃើញសាកសពបុរសរងគ្រោះនៅក្នុងទឹកក្បែរម៉ូតូរបស់គាត់ ឃ្លាតឆ្ងាយពីកង់១គ្រឿង(កង់ជនរងគ្រោះ)ប្រមាណ៣០ម៉ែត្រ ។ បន្ទាប់មកបុរសអ្នកដំណើររូបនោះបានស្រែកប្រាប់អ្នកភូមិ២៤ឲ្យទៅជួយមើល បង្កឲ្យមានការភ្ញាក់ផ្អើល ទាំងព្រឹក ហើយពុំមាននរណាម្នាក់បានដឹងថាបុរសនេះស្លាប់តាំងពីពេលណាឡើយ ។
ប្រភពដដែលបានឲ្យដឹងថា ក្រោយមកពួកគាត់ក៏បានរាយការណ៍ប្រាប់លោកមេភូមិបានដឹងនិងរាយការណ៍បន្តទៅកាន់នគរបាលចុះទៅពិនិត្យនិងធ្វើកោសល្យវិច័យ ។ ជាលទ្ធផលនគរបាលរកឃើញថា បុរសនោះស្លាប់ដោយលង់ទឹកបន្ទាប់មកនគរបាលបានទាក់ទងទៅកាន់ក្រុមគ្រួសាររបស់គាត់ ឲ្យមកទទួលយកសាកសពទៅធ្វើបុណ្យតាមប្រពៃណីហើយ ៕
ចែករំលែកព័តមាននេះ