រាជធានីភ្នំពេញ ៖ ដើម្បីរឹតចំណងមេត្រីភាពជាប្រពៃណីរវាងព្រះរាជាណាចក្រកម្ពុជា និងព្រះរាជាណាចក្រជប៉ុន សម្តេចរាជបុត្រី ព្រះអនុជ នរោត្តម អរុណរស្មី ប្រធានគណបក្សហ៊្វុនស៊ិនប៉ិច និងលោកកែវ ពុទ្ធរស្មី កាលពីយប់ថ្ងៃទី១០ កុម្ភៈ កន្លងទៅ បានយាង និងអញ្ជើញទៅទស្សនកិច្ចរយៈពេល១សប្តាហ៍នៅប្រទេសជប៉ុន ដើម្បីចូលរួមខួបអនុស្សាវរីយ៍លើកទី៦០ នៃទំនាក់ទំនងការទូ
រាជធានីភ្នំពេញ ៖ ដើម្បីរឹតចំណងមេត្រីភាពជាប្រពៃណីរវាងព្រះរាជាណាចក្រកម្ពុជា និងព្រះរាជាណាចក្រជប៉ុន សម្តេចរាជបុត្រី ព្រះអនុជ នរោត្តម អរុណរស្មី ប្រធានគណបក្សហ៊្វុនស៊ិនប៉ិច និងលោកកែវ ពុទ្ធរស្មី កាលពីយប់ថ្ងៃទី១០ កុម្ភៈ កន្លងទៅ បានយាង និងអញ្ជើញទៅទស្សនកិច្ចរយៈពេល១សប្តាហ៍នៅប្រទេសជប៉ុន ដើម្បីចូលរួមខួបអនុស្សាវរីយ៍លើកទី៦០ នៃទំនាក់ទំនងការទូតកម្ពុជា-ជប៉ុន និងបន្តពង្រឹងចំណងមេត្រីភាពដែលមានល្អស្រាប់ឱ្យកាន់តែប្រសើរជានិច្ច ។
ដង្ហែ និងជូនដំណើរនៅអាកាសយានដ្ឋានភ្នំពេញអន្តរជាតិ គេឃើញមានលោកញឹក ប៊ុនឆៃ អគ្គលេខាធិការគណបក្ស និងថ្នាក់ដឹកនាំជាន់ខ្ពស់ និងសមាជិក សមាជិកាគណបក្សហ៊្វុនស៊ិនប៉ិចជាច្រើនរូបទៀត ។
មុនពេលយាងចេញដំណើរសម្តេចរាជបុត្រី ព្រះអនុជ នរោត្តម អរុណរស្មី បានមានសវនីយ៍ថា ក្នុងនាមព្រះអង្គជាព្រះអនុជ នៃព្រះករុណា ព្រះមហាក្សត្រនៃព្រះរាជាណាចក្រកម្ពុជា សម្តេចយាងទៅប្រទេសជប៉ុននេះ តបតាមការអញ្ជើញរបស់ក្រសួងការបរទេសនៃព្រះរាជាណាចក្រជប៉ុន ដើម្បីបំពេញទស្សនកិច្ចជាផ្លូវការ និងចូលរួមក្នុងឱកាសខួបអនុស្សាវរីយ៍លើកទី៦០ នៃទំនាក់ទំនងការទូត និងបន្តពង្រឹងចំណងមេត្រីភាពដែលមានស្រាប់ រវាងព្រះរាជវង្សានុវង្សនៃប្រទេសទាំងពីរ កម្ពុជា-ជប៉ុន ។
ចែករំលែកព័តមាននេះ