ធនាគារពិភពលោកបានសម្ដែងទស្សនវិស័យប្រកបដោយសុទិដ្ឋិនិយមសម្រាប់សេដ្ឋកិច្ចរបស់ប្រទេសថៃ នៅគ្រាដែលការរើបឡើងវិញនៃសេដ្ឋកិច្ចពិភពលោកមានសន្ទុះហើយស្ថាប័នពិភពលោកបានព្យាករថា ផលិតផលក្នុងស្រុកសរុបពិតរបស់ថៃនឹងកើនឡើង៤%នៅក្នុងឆ្នាំនេះ ។
ធនាគារពិភពលោកបានសម្ដែងទស្សនវិស័យប្រកបដោយសុទិដ្ឋិនិយមសម្រាប់សេដ្ឋកិច្ចរបស់ប្រទេសថៃ នៅគ្រាដែលការរើបឡើងវិញនៃសេដ្ឋកិច្ចពិភពលោកមានសន្ទុះហើយស្ថាប័នពិភពលោកបានព្យាករថា ផលិតផលក្នុងស្រុកសរុបពិតរបស់ថៃនឹងកើនឡើង៤%នៅក្នុងឆ្នាំនេះ ។
ធនាគារពិភពលោកបានព្យាករថា កំណើនGDP របស់ថៃនឹងកើនឡើងដោយសារការនាំ ចេញទំនិញ និងការរើបឡើងវិញនៃការវិនិយោគ ឯកជន ព្រោះថាវិស័យទាំងពីរខាងលើនេះមិនបានរងផលប៉ះពាល់ពីវិបត្តិនយោបាយនាពេលបច្ចុប្បន្នទេ ។ លោកKirida Bhaopichitr សេដ្ឋវិទូធនាគារពិភពលោកប្រចាំប្រទេសថៃនិយាយថា កំណើនGDP របស់ពិភពលោកកំពុងកើនឡើង ហើយសេដ្ឋកិច្ចរបស់ថៃនិងការនាំចេញនឹងទទួលបានប្រយោជន៍ពីកំណើនតម្រូវការពិភពលោកជាពិសេសបានពីការរើបឡើងវិញនៅអាមេរិកនិងអឺរ៉ុប ។
យោងតាមរបាយការណ៍ធនាគារពិភពលោក«ទស្សនវិស័យសេដ្ឋកិច្ចពិភពលោក»បានបង្ហាញថា កំណើនGDP ពិតនៅលើពិភពលោកសម្រាប់ឆ្នាំ២០១៤ត្រូវបានរំពឹងថានឹងកើនឡើង៣,២% ហេតុដូច្នេះហើយទើបខ្លួនហ៊ានប៉ាន់ស្មានថាវិស័យនាំចេញរបស់ថៃនឹងកើនឡើងក្នុងរង្វង់៦% បន្ទាប់ពីធ្លាក់ចុះកាលពីឆ្នាំមុន ។ ធនាគារពិភពលោកព្យាករថា ការវិនិយោគឯកជននឹងកើនឡើងប្រហែល៥%នៅក្នុងក្នុងឆ្នាំនេះ ៕
ចែករំលែកព័តមាននេះ