ការនាំចេញរបស់ប្រទេសចិនបានកើនឡើងលើសការរំពឹងទុកកាលពីខែមករា ខណៈដែលការនាំចូលក៏កើនឡើងលើសការរំពឹងទុកដែរ ។ការនាំចេញទៅក្រៅប្រទេសបានកើនឡើង១០,៦% បើធៀបនឹងឆ្នាំមុន នេះបើយោងតាមអគ្គរដ្ឋបាលគយ ។ កំណើននាពេលនេះទំនងជាកើនឡើងដោយសារមានវិក្កយបត្រក្លែងក្លាយទូរទាត់ទំនិញច្រើន ព្រមទាំងថ្ងៃឈប់សម្រាកចូលឆ្នាំថ្មី ។
ការនាំចេញរបស់ប្រទេសចិនបានកើនឡើងលើសការរំពឹងទុកកាលពីខែមករា ខណៈដែលការនាំចូលក៏កើនឡើងលើសការរំពឹងទុកដែរ ។ការនាំចេញទៅក្រៅប្រទេសបានកើនឡើង១០,៦% បើធៀបនឹងឆ្នាំមុន នេះបើយោងតាមអគ្គរដ្ឋបាលគយ ។ កំណើននាពេលនេះទំនងជាកើនឡើងដោយសារមានវិក្កយបត្រក្លែងក្លាយទូរទាត់ទំនិញច្រើន ព្រមទាំងថ្ងៃឈប់សម្រាកចូលឆ្នាំថ្មី ។ ចំណែកការនាំចូលកើនឡើង១០%ដែលធ្វើឲ្យអតិរេកពាណិជ្ជកម្មមានចំនួន៣១,៩ពាន់លានដុល្លារ ។
សន្ទុះតម្រូវការពិភពលោកនិងក្នុងស្រុកនឹងគាំទ្រកំណើន ហើយក៏ជាកំណើនដែលអ្នកវិភាគបានព្យាករថានឹងកើនឡើងទាបបំផុតក្នុងរយៈពេល២៤ឆ្នាំគិតត្រឹមឆ្នាំនេះ ។ រដ្ឋាភិបាលកំពុងប្រឹងប្រែងរក្សាលំនឹងការបង្ក្រាបលើឥណទាន និងធនាគារស្រមោល(អន្តរការីហិរញ្ញវត្ថុដែលមិនមែនជាធនាគារ)ដោយការរក្សាល្បឿនកំណើនឲ្យបានសមរម្យ ។
លោកLuis Kuijsសេដ្ឋវិទូប្រចាំធនាគារRoyal Bank of Scotland Group Plcប្រចាំទីក្រុងហុងកុងបាននិយាយថា យើងនៅតែរំពឹងថា ការនាំចេញនឹងមាននិន្នាការរើបឡើងវិញ បើទោះបីជាទិន្នន័យនាខែខាងមុខនៅតែផ្លាស់ប្តូរដោយសារការទូទាត់លើសវិក្កយបត្រក៏ដោយ។ លោកថា បើប្រៀបធៀបនឹងឆ្នាំមុន តួលេខមានការប្រែប្រួលដោយសារវិក្កយបត្រក្លែងក្លាយ ក្លែងបន្លំលំហូរមូលធនកាលពីឆ្នាំ២០១៣ និងថ្ងៃឈប់សម្រាកថ្ងៃចូលឆ្នាំថ្មីជាច្រើនសប្តាហ៍ ៕
ចែករំលែកព័តមាននេះ