ADផ្ទាំងផ្សព្វផ្សាយពាណិជ្ជកម្ម

ប្រកាសតែងតាំង លោក ឡុង ពុន ជាអភិបាលរងស្រុកមង្គលបូរី

11 ឆ្នាំ មុន

១២ ខែ កុម្ភៈ ឆ្នាំ ២០១៤ ម៉ោង ០១:០២

ខេត្តបន្ទាយមានជ័យ ៖ កាលពីវេលាម៉ោង ២រសៀល ថ្ងៃទី១១ កុម្ភៈ ២០១៤ មានពីធីប្រកាសតែងតាំង លោក ឡុង ពុន ជាអភិបាលរងស្រុកមង្គលបូរី នៅសាលប្រជុំសាលាស្រុកមង្គលបូរី ខេត្តបន្ទាយមានជ័យ។ក្នុងពិធីនោះ មានការអញ្ជើញជាគណៈអធិបតីមាន លោក គោ ស៊ុំសារឿត អភិបាលខេត្តបន្ទាយមានជ័យ និងចូលរួមពី លោក អ៊ី ឡុង អភិបាលរងខេត្ត លោកវរសេនីយ៍ត្រី រស់ សំបូរ មេបញ្ជាការកងរាជអាវុធហត្ថស្រុក និងមន្ត្រីចូលរួមជាច្រើនទៀត។

ពិធីប្រកាសផ្ទេរភារកិច្ច លោក ឡុង ពុន មេឃុំរហាត់ទឹក មកតែងតាំងជាអភិបាលរងស្រុកមង្គលបូរី ហើយផ្ទេរ កញ្ញា គង់ គឹមលាង ជំទប់ទី១ ឃុំរហាត់ទឹក ជាមេឃុំរហាត់ទឹក។ លោក គោ ស៊ុំសារឿត បានមានមតិផ្តាំផ្ញើដល់លោកអភិបាលរងស្រុក និងកញ្ញាមេឃុំថ្មី ក្រោយពេលទទួលភារកិច្ចហើយត្រូវបម្រើប្រជាពលរដ្ឋ និងប្រទេសជាតិ ឲ្យមានការរីកចម្រើន និងមិនត្រូវយកមុខងារនេះ ទៅប្រព្រឹត្តបទល្មើសណាមួយ ដែលធ្វើឲ្យប៉ះពាល់ដល់អង្គភាពឡើយ៕