ខេត្តប៉ៃលិន ៖ កុមារីម្នាក់បានរអិលជើងធ្លាក់ចូលក្នុងប្រឡាយមានទឹកជម្រៅជាង ១ម៉ែត្រ នៅខាងក្រោយផ្ទះចម្ងាយប្រហែល ២០០ម៉ែត្រ ស្លា.ប់បាត់បង់ជីវិតគួរឲ្យអាណោចអាធ័ម លុះពេលបងស្រីបង្អើតឃើញប្អូនកំពុងតែលង់ទឹក ក៏ហក់លោតទៅជួយស្រង់ តែជាអកុសលមិនចេះហែលទឹក ក៏ត្រូវលង់ទាំង ២នាក់ ត្រូវយុវជនម្នាក់ទៀតស្ទុះចុះទៅជួយស្រង់បានទាំង ២នាក់។
ខេត្តប៉ៃលិន ៖ កុមារីម្នាក់បានរអិលជើងធ្លាក់ចូលក្នុងប្រឡាយមានទឹកជម្រៅជាង ១ម៉ែត្រ នៅខាងក្រោយផ្ទះចម្ងាយប្រហែល ២០០ម៉ែត្រ ស្លាប់បាត់បង់ជីវិតគួរឲ្យអាណោចអាធ័ម លុះពេលបងស្រីបង្អើតឃើញប្អូនកំពុងតែលង់ទឹក ក៏ហក់លោតទៅជួយស្រង់ តែជាអកុសលមិនចេះហែលទឹក ក៏ត្រូវលង់ទាំង ២នាក់ ត្រូវយុវជនម្នាក់ទៀតស្ទុះចុះទៅជួយស្រង់បានទាំង ២នាក់។
បន្ទាប់ពីយកចេញផុតពីទឹកស្រាប់តែកុមារីជាប្អូនបានស្លាប់បាត់បង់ជីវិតបាត់ទៅហើយ ដោយមិនអស់ចិត្តត្រូវបងប្អូនដឹកតាមរថយន្តយកទៅមន្ទីរពេទ្យបង្អែកខេត្ត តែគ្រូពេទ្យប្រាប់ថា នាងស្លាប់ហើយ។ ហេតុការណ៍កុមារីលង់ទឹកស្លាប់នេះ បានកើតឡើងកាលពីវេលាម៉ោង ១០ និង ៣០នាទី ព្រឹកថ្ងៃទី១១ កុម្ភៈ ២០១៤ ស្ថិតនៅក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន។
កុមារីទី១. ឈ្មោះ ឆាយ គឹមលីន អាយុ ៦ឆ្នាំ (ស្លាប់) ទី២. ឈ្មោះ ឆាយ វិច្ឆរ៉ា អាយុ ១០ឆ្នាំ ត្រូវគេជួយសង្គ្រោះទាន់ពេល មានឪពុកឈ្មោះ ឆាយ ស្នា អាយុ ៣៨ឆ្នាំ ជាអ្នករត់ម៉ូតូឌុបនៅបាត់ដំបង ម្តាយឈ្មោះ ហ៊ាន ស្រីម៉ៅ អាយុ ៣០ឆ្នាំ ជាកម្មករធ្វើការនៅស្រុកថៃ មានស្រុកកំណើតរស់នៅភូមិស្តៅ ឃុំស្តៅ ស្រុករតនៈមណ្ឌល ខេត្តបាត់ដំបង ដោយទើបមករស់នៅជាមួយជីដូនឈ្មោះ ស៊ីម គឹមហឿង អាយុ ៥៨ឆ្នាំ ក្នុងភូមិកើតហេតុខាងលើ បានរយ:ពេល ៣ថ្ងៃ។
ក្រោយពេលកើតហេតុ ឪពុកកុមារីរងគ្រោះបានធ្វើដំណើរពីខេត្តបាត់ដំបង មកមើលកូនស្រីរបស់ខ្លួន ចំណែកម្តាយដែលទើបតែចេញទៅធ្វើការនៅប្រទេសថៃ បានរយៈពេល ២ថ្ងៃ ក៏ត្រលប់មកធ្វើបុណ្យឲ្យកូននៅផ្ទះក្បែរកន្លែងកើតហេតុផងដែរ៕
ចែករំលែកព័តមាននេះ