រាជធានីភ្នំពេញ ៖ DKSH ជាក្រុមហ៊ុនធំមួយ ដែលនំាចូលមានផលិតផលសុខភាពជាច្រើនរយមុខមកកម្ពុជា ហើយកាលពីព្រឹកថ្ងៃទី១១ កុម្ភៈ ២០១៤ បានធ្វើការសម្ពោធផលិតថ្មី ដែលទទួលសិទ្ធិចែកចាយពីក្រុមហ៊ុន Black more ក្នុងយុទ្ធនាការ Life-Step System បង្ហាញនូវប្រភេទអាហាររូបត្ថម្ភ ៤ប្រភេទ ដែលជួយឲ្យប្រជាជនទូទៅទទួលនូវកម្រិតអាហាររូបត្ថម្ភមួយប្រកបដោយភាពត្រឹមត្រូវចំពោះរាងកាយ។
ពិធីនេះ ធ្វើឡើងនៅសណ្ឋាគារ INERCONTINENTAL ដោយមានការអញ្ចើញចូលរួមជាអធិបតីពី លោកជំទាវ Alison Burrows ឯកអគ្គរដ្ឋទូតអូស្រ្តាលី ប្រចាំកម្ពុជា និងគណៈគ្រប់គ្រងក្រុមហ៊ុន DKSH រួមទំាងភ្ញៀវកិត្តិយសមកពីឱសថស្ថានមួយចំនួន និងបុគ្គលិកក្រុមហ៊ុនជាច្រើនផងដែរ។ លោកជំទាវ Alison Burrows មានប្រសាសន៍ថា ការធ្វើយុទ្ធនាការ Life-Step System នូវផលិតផលអាហាររូបត្ថម្ភរបស់ក្រុមហ៊ុន Black more គឺជាការធ្វើឲ្យប្រសើរឡើងថែមទៀតក្នុងការផ្តល់នូវអាហាររូបត្ថម្ភសម្រាប់មនុស្សទូទៅសម្រាប់អ្នក ដែលមានសុខភាពល្អ។
ផលិតផល Black more នៅតែធានាអះអាងថា ពួកគាត់នៅតែអាចទទួលបានការការពារដ៏មានសុវត្ថិភាព ទោះបីនៅក្នុងស្ថានភាពយ៉ាងណាក៏ដោយ។ យុទ្ធនាការ Life-Step System បង្ហាញនូវអាហាររូបត្ថម្ភ ៤ប្រភេទ ដូចជា ទី១. អាហាររូបត្ថម្ភ Black mores Kids Fruity Fishies សម្រាប់ទារក និងកុមារ ដែលមានផ្ទុកវីតាមីន និងសារធាតុខនិជរួមគ្នា ដើម្បីបំពេញបន្ថែមលើចំណីអាហាររបស់កុមារ និងការពារនូវជំងឺដង្កាត់ផ្សេងៗ ដែលអាចកើតឡើងចំពោះទារក និងកុមារ ដែលជាគ្រាប់ថ្នាំផ្ទុកទៅដោយខ្លាញ់ត្រី ងាយស្រួលទំពារ គាំទ្រដល់ការលូតលាស់ខួរក្បាល ជួយឲ្យការរៀនសូត្រ ការបំលាស់ទី និងទំនាក់ទំនងរបស់កុមារមានភាពប្រសើរឡើង។
ទី២. អាហាររូបត្ថម្ភ Black more Cal-D គឺសម្រាប់យុវវ័យ និងមនុស្សវ័យជំទង់ ដែលវ័យមួយប្រឈមខ្ពស់នឹងកើតជំងឺឆ្លង និងប្រឈមមុខនឹងការប្រឆាំងការបាក់ឆ្អឹង។ លើសពីនេះ Black more Cal-D ដើរតួយ៉ាងសំខាន់ក្នុងការផ្តល់អាហាររូបត្ថម្ភសម្រាប់មនុស្សពេញវ័យ ដើម្បីទទួលបានកាល់ស្យូមគ្រប់គ្រាន់ក្នុងចំណីអាហារ ជួយជម្រុញការបង្កើតកោសិកាឆ្អឹងឲ្យរាងកាយមនុស្សមានសមត្ថភាពគ្រប់គ្រាន់ក្នុងការស្រូបយកកាល់ស្យូម។
ទី៣. អាហាររូបត្ថម្ភ Black more Pregnancy and Breast Feeding សម្រាប់ស្តី្រមានផ្ទៃពោះ។ តាមការអះអាងរបស់អ្នកវិទ្យាសាស្រ្តថា Blackmore Pregnancy and Breast Feeding សម្បូរទៅដោយអាហាររូបត្ថម្ភជាវីតាមីន ៩មុខ សារធាតុខនិជ ៦មុខ អូមេហ្កា៣ fatty acid ក្នុងចំណោមផលិតផលដទៃទៀត សមាសធាតុជាម្តាយ និងទារកមានផ្ទុក DHA អ៊ីយ៉ូដ បេតាការូទីន និង folic acid ដែលជាផលិតផលលេខ១ នៅប្រទេសអូស្រ្តាលី ដែលទារកនឹងទទួលបានសារធាតុចិញ្ចឹមមានការលូតលាស់ និងអភិវឌ្ឍបានយ៉ាងត្រឹមត្រូវ។
ទី៤. អាហាររូបត្ថម្ភ Black more Korean Ginseng សម្រាប់បុរសស្ត្រី ដែលមានអាយុចាប់ពី ៤០ឆ្នំា ឡើងទៅ គឺផ្តល់ជូននូវវីតាមីនច្រើនប្រភេទសម្រាប់ថែរក្សាការពារសុខភាព និងអាចជួយកាត់បន្ថយភាពតប់ប្រមល់ ភាពហេវហត់អស់កម្លាំង ដែលជាការប្រែប្រួលទៅតាមអាយុ រូបរាងកាយរបស់ពួកគាត់ ហើយផលិតផលទំាង ៤ប្រភេទនេះ មានតម្លៃចាប់ពី ១២ដុលា្លរ ឡើងទៅ។
អស់រយៈជាង ៤០ឆ្នំា មកហើយ ដែលក្រុមហ៊ុន DKSH បានចូលរួមចំណែកក្នុងវិស័យពាណិជ្ជកម្មនៅក្នុងប្រទេសកម្ពុជា ហើយក្រុមហ៊ុនទាំងមូលបានបែងចែកជា ៤ផ្នែកធំ ដូចជា ផ្នែករក្សាសុខភាព ផ្នែកសម្ភារប្រើប្រាស់ប្រចំាថ្ងៃ ផ្នែកបច្ចេកទេស និងផ្នែកផលិតផលភាពស្រស់ស្អាតនៃជីវិត៕
ចែករំលែកព័តមាននេះ