រាជធានីភ្នំពេញ ៖ ក្រុមក្មេងញៀនថ្នាំចំនួន៧នាក់ក្នុងនោះប្រុស៦នាក់ ស្រីម្នាក់ត្រូវបានសមត្ថកិច្ចនគរបាលប៉ុស្តិ៍ស្ទឹងមានជ័យធ្វើការឆ្មក់ចាប់ដល់ក្នុងបន្ទប់ផ្ទះសំណាក់យីហោ «ស្មីឋានសួគ៌ » កាលពីព្រីកថ្ងៃទី១០ កុម្ភៈ ២០១៤ ស្ថិតនៅចំណុចភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ ខណៈដែលពួកគេកំពុងសេពថ្នាំញៀន ។
រាជធានីភ្នំពេញ ៖ ក្រុមក្មេងញៀនថ្នាំចំនួន៧នាក់ក្នុងនោះប្រុស៦នាក់ ស្រីម្នាក់ត្រូវបានសមត្ថកិច្ចនគរបាលប៉ុស្តិ៍ស្ទឹងមានជ័យធ្វើការឆ្មក់ចាប់ដល់ក្នុងបន្ទប់ផ្ទះសំណាក់យីហោ «ស្មីឋានសួគ៌ » កាលពីព្រីកថ្ងៃទី១០ កុម្ភៈ ២០១៤ ស្ថិតនៅចំណុចភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ ខណៈដែលពួកគេកំពុងសេពថ្នាំញៀន ។
ប្រភពបានឱ្យដឹងថា ក្រុមក្មេងទាំង៧នាក់ខាងលើនេះ ១-ឈ្មោះសន ពិសី ភេទប្រុស អាយុ២៦ឆ្នាំ មុខរបរមិនប្រាកដ ស្នាក់នៅផ្ទះជួលម្តុំវត្តសំរោងអណ្តែត សង្កាត់ឃ្មួញ ខណ្ឌសែនសុខ (ជាអ្នកទិញមកសេព) ទី២-ឈ្មោះយឹម ដារ័ត្ន ភេទប្រុស អាយុ២៥ឆ្នាំ មុខរបរជាងផ្សារដែក ស្នាក់នៅផ្ទះជួល ផ្លូវលំ ភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ទី៣-ឈ្មោះ ស៊ី ដារ៉ុង ហៅជ្រូក ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងភូមិទ្រា សង្កាត់ស្ទឹងមានជ័យ ទី៤-ឈ្មោះយួន លីដា ភេទស្រី អាយុ១៩ឆ្នាំ មុខរបរមិនពិតប្រាកដ ស្នាក់នៅផ្ទះជួលផ្លូវលំ សង្កាត់បឹងសាឡាង ខណ្ឌទួលគោក , ទី៥-ឈ្មោះលី ហៀង ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវលំ ភូមិប្ញស្សី សង្កាត់ស្ទឹងមានជ័យ ខណ្ឌមានជ័យ , ទី៦-ឈ្មោះហង្ស ដាលុច្ស ភេទប្រុស អាយុ២០ឆ្នាំ មុខរបរលក់ដូរ ស្នាក់នៅផ្ទះលេខ៤បេ ផ្លូវមុនីរ៉េត ភូមិប្ញស្សី សង្កាត់ស្ទឹងមានជ័យ និងទី៧-ឈ្មោះស៊ុន សុភា ភេទប្រុស អាយុ២៣ឆ្នាំ ជាកម្មកររោងចក្រ ស្នាក់នៅផ្ទះលេខ៦៧ ស្នាក់នៅផ្ទះជួលផ្លូវលំ ភូមិប្ញស្សី១ សង្កាត់ស្ទឹងមានជ័យ ខណ្ឌមានជ័យ
គួរបញ្ជាក់ថា ក្នុងប្រតិបត្តិការខាងលើនេះសមត្ថកិច្ចដកហូតបានថ្នាំញៀនប្រភេទម្សៅម៉ាទឹកកមួយចំនួន និងឧបករណ៍សម្រាប់សេពថ្នាំញៀនមួយចំនួនផងដែរ ។ នគរបាលប៉ុស្តិ៍ស្ទឹងមានជ័យបានកសាងសំណុំរឿងបញ្ជូនជនប្រុសស្រីទាំង៧នាក់ រួមទាំងវត្ថុតាងទៅកាន់អធិការនគរបាលខណ្ឌមានជ័យ ដើម្បីចាត់ការបន្តតាមផ្លូវច្បាប់ ។
ចែករំលែកព័តមាននេះ