យោងតាមការស្រាវជ្រាវរបស់ក្រុមហ៊ុនអចលនទ្រព្យ Liases Foras របស់ប្រទេសឥណ្ឌាបានឱ្យដឹងថា បន្ទាប់ពីកំណើនដ៏ក្ដៅគគុកនាអំឡុងពេលប៉ុន្មានត្រីមាសកន្លងមកនេះគិតត្រឹមខែធ្នូ ឆ្នាំ២០១៣ ទីផ្សារលក់ផ្ទះសម្បែងនៅក្នុងទីក្រុងធំៗចំនួន៦របស់ឥណ្ឌាបានកើនឡើង២២% ។
យោងតាមការស្រាវជ្រាវរបស់ក្រុមហ៊ុនអចលនទ្រព្យ Liases Foras របស់ប្រទេសឥណ្ឌាបានឱ្យដឹងថា បន្ទាប់ពីកំណើនដ៏ក្ដៅគគុកនាអំឡុងពេលប៉ុន្មានត្រីមាសកន្លងមកនេះគិតត្រឹមខែធ្នូ ឆ្នាំ២០១៣ ទីផ្សារលក់ផ្ទះសម្បែងនៅក្នុងទីក្រុងធំៗចំនួន៦របស់ឥណ្ឌាបានកើនឡើង២២% ។
ក្នុងនោះផ្ទះប្រភេទវិឡាតឿមានហាងឆេងជាងគេដែលមានអត្រាលក់កើនឡើង៥៨%ខណៈដែលការចុះបញ្ជីនៅតំបន់ទីប្រជុំជនធំៗរបស់ជាតិបានកើនឡើង៤%ដែលស្ថិតក្នុងកម្រិតទាបបំផុតក្នុងចំណោមទីក្រុងទាំង៦ ។ ចំណែកទីផ្សារលក់ផ្ទះប្រភេទខុនដូកើនឡើង៤៨% ខណៈដែលអត្រាលក់ផ្ទះនៅក្នុងតំបន់រដ្ឋធានីមុមបៃកើន២៦% រីឯផ្ទះល្វែងកើន១៨%និងផ្ទះដែលគេឱ្យឈ្មោះថា Chennai កើន៣% ។ ទោះបីជាយ៉ាងណាក៏ដោយតម្លៃអចលនទ្រព្យនៅក្នុងទីក្រុងធំៗទាំង៦របស់ប្រទេសឥណ្ឌាពីមួយត្រីមាសទៅមួយត្រីមាសបានកើនឡើងជាមធ្យម១%ហើយក៏បានបន្តនិន្នាការកើនឡើងបន្ទាប់បន្សំរហូតមកដល់ត្រីមាសទី៦ នាពេលបច្ចុប្បន្នឆ្នាំនេះ ។
គួរបញ្ជាក់ថា នៅក្នុងអំឡុងពេលប៉ុន្មានត្រីមាសកន្លងមកនេះទីផ្សារលក់អចលនទ្រព្យឬគេហដ្ឋាននៅក្នុងប្រទេសឥណ្ឌាមានសន្ទុះយឺតបន្តិចដោយសារតែល្បឿននៃសេដ្ឋកិច្ច ស្របពេលនឹងការមកដល់នៃការបោះឆ្នោតដែលមានភាពមិនប្រាដកប្រជាមួយដែលបានរុញច្រានឱ្យអត្រាលក់ធ្លាក់ចុះ ពិសេសគឺប្រភេទផ្ទះប្រណីតនិងផ្ទះមធ្យមតែម្ដង ។
លោកPankaj Kapoor អគ្គនាយកគ្រប់គ្រងអចលនទ្រព្យLiases Foras បានឱ្យដឹងថា តម្លៃអចលនទ្រព្យពុំមានការកើនឡើងឡើយនៅក្នុងរយៈពេលប៉ុន្មានឆមាសកន្លងដែលជាអំឡុងពេលនៃអតិផរណាខ្ពស់ ហើយគ្រានោះដែរចំពោះអ្នកទិញវាជារឿងល្អមួយពោលគឺជាការបញ្ចុះតម្លៃដោយប្រយោល ៕
ចែករំលែកព័តមាននេះ