រាជធានីភ្នំពេញ ៖ ក្រុមអ្នកជំនាញការសាធារណរដ្ឋកូរ៉េចំនួន៣ក្រុមបានមកដល់ប្រទេសកម្ពុជាកាលពីថ្ងៃទី១០ កុម្ភៈ ២០១៤ ដើម្បីសិក្សាស្រាវជ្រាវ និងពិនិត្យលទ្ធភាពនៃការសាងសង់មជ្ឈមណ្ឌលហ្វឹកហ្វឺនអាកាសចរណ៍ស៊ីវិលនៅកម្ពុជា ។ នេះបើតាមការឱ្យដឹងពីមន្ត្រីជាន់ខ្ពស់នៃរដ្ឋលេខាធិការដ្ឋានអាកាសចរណ៍ស៊ីវិល។
រាជធានីភ្នំពេញ ៖ ក្រុមអ្នកជំនាញការសាធារណរដ្ឋកូរ៉េចំនួន៣ក្រុមបានមកដល់ប្រទេសកម្ពុជាកាលពីថ្ងៃទី១០ កុម្ភៈ ២០១៤ ដើម្បីសិក្សាស្រាវជ្រាវ និងពិនិត្យលទ្ធភាពនៃការសាងសង់មជ្ឈមណ្ឌលហ្វឹកហ្វឺនអាកាសចរណ៍ស៊ីវិលនៅកម្ពុជា ។ នេះបើតាមការឱ្យដឹងពីមន្ត្រីជាន់ខ្ពស់នៃរដ្ឋលេខាធិការដ្ឋានអាកាសចរណ៍ស៊ីវិល។
ទាក់ទិនព័ត៌មានខាងលើនេះ លោកសយ សុខាន់ អនុរដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិលបានបញ្ជាក់ថា គម្រោងការណ៍សាងសង់មជ្ឈមណ្ឌលហ្វឹកហ្វឺនអាកាសចរណ៍ស៊ីវិល CATC នេះ គឺផ្តើមចេញពីសំណើរបស់រាជរដ្ឋាភិបាលកម្ពុជានៅឆ្នាំ២០១១ បានស្នើទៅសាធារណរដ្ឋកូរ៉េឱ្យជួយផ្តល់ជំនួយក្នុងការសាងសង់ ហើយត្រូវបានរដ្ឋាភិបាលសាធារណរដ្ឋកូរ៉េយល់ព្រមក្នុងអំឡុងចុងឆ្នាំ២០១២ ផ្តល់ជាជំនួយឥតសំណង។
លោកសយ សុខាន់ បានរំលឹកថា ក្រោយពីមានការយល់ព្រមពីសាធារណរដ្ឋកូរ៉េមក ភាគីទាំង២កម្ពុជា-កូរ៉េបានចុះហត្ថលេខាជាបន្តបន្ទាប់លើឯកសារមួយចំនួនទាក់ទងនឹងការសាងសង់មជ្ឈមណ្ឌលហ្វឹកហ្វឺនអាកាសចរណ៍ស៊ីវិល។ លោកបញ្ជាក់ថា តាមគម្រោង មជ្ឈមណ្ឌលនេះនឹងចាប់ផ្តើមសាងសង់នៅចុងឆ្នាំ២០១៣ ហើយបញ្ចប់នៅឆ្នាំ២០១៧ ដោយទំហំទឹកប្រាក់នៃការសាងសង់មានចំនួន១០លាន១សែនដុល្លារអាមេរិក ដែលជាជំនួយឥតសំណងរបស់រដ្ឋាភិបាលកូរ៉េតាមរយៈអង្គការ COIKA។
លោកបន្ថែមថា ចំពោះទីតាំងសាងសង់គឺស្ថិតនៅក្នុងបរិវេណអាកាសយានដ្ឋានអន្តរជាតិភ្នំពេញ ៕
ចែករំលែកព័តមាននេះ